I. Mediante Resolución do conselleiro de Sanidade do 30 de outubro de 2019 aprobouse definitivamente o proxecto de expropiación forzosa, polo procedemento de taxación conxunta, dos bens e dereitos que se precisan ocupar para a execución do proxecto sectorial de incidencia supramunicipal para a ampliación do Hospital Gran Montecelo, levado a cabo pola Consellería de Sanidade, en calidade de Administración expropiante, e o Servizo Galego de Saúde, na súa condición de beneficiaria da expropiación, conforme o previsto nos artigos 118 e seguintes da Lei 2/2016, do 10 de febreiro, do solo de Galicia.

II. De conformidade co artigo 118 da Lei 2/2016, do 10 de febreiro, do solo de Galicia, o acordo de aprobación definitiva do expediente de taxación conxunta implica a declaración de urxencia da ocupación dos bens e dereitos afectados, e o pagamento ou depósito do importe da valoración establecida, produce os efectos previstos nos números 6, 7 e 8 do artigo 52 da Lei de expropiación forzosa, sen prexuízo de que se continúe a tramitación do procedemento para a definitiva fixación do prezo xusto.

Polo anterior, cómpre fixar as datas en que se procederá ao levantamento das correspondentes actas de pagamento e ocupación de conformidade cos artigos 49 e 55 do Regulamento da Lei de expropiación forzosa.

III. Segundo establece o artigo 205 do Regulamento de xestión urbanística, aprobado polo Real decreto 3288/1978, do 25 de agosto, o pagamento do prezo xusto soamente se fará efectivo, consignándose no caso contrario, a aqueles interesados que acheguen:

– No suposto de predios inscritos no Rexistro da Propiedade, certificación rexistral ao seu favor, en que conste que expediu a nota do artigo 32 do Regulamento hipotecario. En caso de que existan cargas, deberán comparecer tamén os titulares delas.

– Para os predios que non estean inscritos no Rexistro da Propiedade, os títulos xustificativos do seu dereito, completados con certificacións negativas do Rexistro da Propiedade referidas aos mesmos predios descritos nos títulos. De existiren outros dereitos sobre o predio expropiado, deberán comparecer tamén os seus titulares.

Conforme o artigo 206 do citado Regulamento de xestión urbanística, se o expropiado non quixese aceptar o prezo xusto, non achegase títulos suficientes xustificativos do seu dominio, existise contenda respecto á titularidade do ben ou dereito expropiado ou, en xeral, se concorrese algún dos supostos do artigo 51 do Regulamento de expropiación forzosa, a Administración consignará o seu importe na Caixa Xeral de Depósitos.

IV. De conformidade co establecido no artigo 55.1 do Regulamento de expropiación forzosa, expedirase acta de ocupación da cousa ou dereito expropiado a continuación da de pagamento ou consignación. Para proceder ao levantamento destas actas, deberán asistir os titulares persoalmente ou ben representados por persoa debidamente autorizada para actuar no seu nome, con poder suficiente do que achegará copia, provistos ademais dos seus documentos orixinais acreditativos da súa titularidade, documento nacional de identidade, o último recibo sobre o imposto de bens inmobles, e poderá asistir acompañado, pola súa conta, se o coida oportuno, do seu perito ou notario.

Para facilitar a confección dos documentos de pagamento e a efectividade destes, os interesados deberán achegar á beneficiaria da expropiación os documentos xustificativos dos seus dereitos con anterioridade ás datas fixadas para o levantamento das actas de pagamento.

V. En consecuencia, convócanse os titulares de bens e dereitos afectados polo presente expediente para proceder ao levantamento das actas de pagamento e ocupación os días 26 e 27 de novembro de 2019, que terá lugar no Seminario 3 do Pazo da Cultura de Pontevedra (rúa Alexandre Bóveda, s/n, 36005 Pontevedra) nas horas e orde que se sinalan no documento anexo.

VI. Notifíquese a presente resolución a todos os titulares dos bens e dereitos que figuran no expediente expropiatorio, con indicación a cada un deles da data, hora e lugar en que se procederá ao levantamento das actas de pagamento e ocupación. Publíquese a resolución no Diario Oficial de Galicia, no taboleiro de edictos do Concello de Pontevedra e nun diario dos de maior circulación da provincia. A publicación desta resolución servirá de notificación aos propietarios descoñecidos, dos que se ignore o seu domicilio, ou ben se intentada a notificación, esta non se puido realizar. Todo isto de acordo co disposto no artigo 45 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 30 de outubro de 2019

Jesús Vázquez Almuíña
Conselleiro de Sanidade

ANEXO

Horario convocatoria

Expte.	Ref. catastral	Nome	Apelidos	Día	Hora
32-N1	Negocio	Amelia	Aboal Fernández	26 de novembro de 2019	10.00
10	36900A124003050000PT	Eva María	Aboal Fernández	26 de novembro de 2019	10.00
		Ricardo	Cordido Mejuto
11	36900A124003490000PJ	Eva María	Aboal Fernández	26 de novembro de 2019	10.00
		Ricardo	Cordido Mejuto
12	36900A124003060000PF	Eva María	Aboal Fernández	26 de novembro de 2019	10.00
		Ricardo	Cordido Mejuto
13	36900A124103060000PE	Eva María	Aboal Fernández	26 de novembro de 2019	10.00
		Ricardo	Cordido Mejuto
32-N2	Negocio	Milagros	Aboal Fernández	26 de novembro de 2019	10.30
32	36900A124003030000PP	José	Aboal Rey	26 de novembro de 2019	11.00
		María Jesús	Fernández Ogando
9	36900A124002610000PZ	Antonio	Cachafeiro Pichel	26 de novembro de 2019	11.30
32-N3	Negocio	Ricardo	Cordido Mejuto	26 de novembro de 2019	10.00
8	36900A124002620000PU	Mª Ángeles	Cortegoso Sieiro	26 de novembro de 2019	11.50
20-N	Negocio	Daniel	Domínguez Gallego	26 de novembro de 2019	12.10
22	002212000NG39G0001RK 36900A124002570000PS	Juan Carlos	Domínguez Martínez	26 de novembro de 2019	12.30
20	36900A124002590000PU 002208200NG39G0001TK	Inocente	Domínguez Martínez	26 de novembro de 2019	12.50
15	36900A124002680000PG	Jesús	Domínguez Martínez	26 de novembro de 2019	13.00
16	36900A124002670000PY	Jesús	Domínguez Martínez	26 de novembro de 2019	13.00
17	36900A124002660000PB	Jesús	Domínguez Martínez	26 de novembro de 2019	13.00
28	36900A124003020000PQ 36900A124003000000PY 36900A124003010000PG 36900A124003570000PH	Eleuterio Genoveva	Filgueira Rey Martínez Soto	27 de novembro de 2019	10.00
24	36900A124002960000PW, 002209000NG39G0001RK, 36900A124002950000PH, 36900A124002980000PB 36900A124002990000PY	Ana Trinidad María Lourdes Luz Divina María Luisa	García Maquieira García Maquieira Maquieira Pereira Pereira Villaverde	27 de novembro de 2019	10.30
4	36900A124002880000PE	Atilano Hdros.	García Pereira	27 de novembro de 2019	11.00
1	36900A124002910000PE	José	Iglesias Iglesias	27 de novembro de 2019	11.00
7	36900A124002630000PH	Emilia Ángela	Martínez Boullosa	27 de novembro de 2019	11.30
5	36900A124002650000PA	María de la Paz	Soto Fernández	27 de novembro de 2019	12.00
6	36900A124002640000PW	María de la Paz	Soto Fernández	27 de novembro de 2019	12.00
2	36900A124002900000PJ	José Manuel	Tome Rodríguez	27 de novembro de 2019	12.30
3	36900A124002890000PS	José Manuel	Tome Rodríguez	27 de novembro de 2019	12.30
18	36900A124002720000PQ	José Manuel	Tome Rodríguez	27 de novembro de 2019	12.30
14	36900A124003500000PX	Manuela Gerardo Juan Manuel Hdros. Francisco	Varela Rodríguez Tizón Varela González Mosquera Tizón Rivera	27 de novembro de 2019	13.00