Eu, Rosana Corral García, letrada da Administración de xustiza do Xulgado do Social número 4 da Coruña, dou fe e certifico que neste xulgado se seguen autos número 68/2019 por instancia de Ana Fiorella Miranda Villaran contra a empresa Baixalimiaxures, S.L., sobre despedimento, nos cales se ditou sentenza o 8.7.2019 que, copiada nos particulares necesarios, di así:
«Resolución
Estímase a demanda formulada por Ana Fiorella Miranda Villaran fronte á empresa Baixalimiaxures, S.L. e, en consecuencia:
– Declárase improcedente o despedimento efectuado pola demandada Baixalimiaxures, S.L. á traballadora Ana Fiorella Miranda Villaran.
– Condénase a empresa Baixalimiaxures, S.L. a que no prazo de cinco días desde a notificación da sentenza opte entre a readmisión da demandante ou o aboamento dunha indemnización de 1.144,69 euros, determinando o aboamento da devandita indemnización a extinción do contrato de traballo; no caso de optar pola readmisión, deberá aboar os salarios de tramitación a razón de 46,25 euros diarios.
Notifíquese a presente resolución ás partes.
Contra esta resolución cabe recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución, abondando a manifestación da parte ou do seu avogado, graduado social colexiado ou representante dentro do indicado prazo.
Se o recorrente non goza do beneficio de xustiza gratuíta deberá, no momento de anunciar o recurso, ter consignado a cantidade obxecto de condena, así como o depósito de 300 euros na conta de depósitos e consignacións que ten aberta este xulgado, facendo constar no ingreso o número de procedemento.
Así o acorda, manda e asina, Nicolás E. Pita Lloveres, maxistrado do Xulgado do Social número 4 da Coruña.
Publicación. Lida e publicada foi a presente sentenza polo xuíz que a ditou no mesmo día da súa data, estando a celebrar audiencia pública. Dou fe».
E para que conste, para os efectos da súa publicación no Diario Oficial de Galicia co fin de que sirva de notificación en forma á empresa Baixalimiaxures, S.L. expido e asino a presente.
A Coruña, 8 de outubro de 2019
A letrada da Administración de xustiza
