Eu, María Mercedes Santos García, letrada da Administración de xustiza do Xulgado do Social número 6 da Coruña, fago saber que no procedemento de execución de títulos xudiciais 64/2019, seguido por instancia de María Luz Rial Martínez contra Textil Zas, Sociedade Cooperativa Galega, sobre reclamación de cantidade, ditouse Decreto do 2 de setembro polo que se declarou o executado en situación de insolvencia provisional e acordouse o arquivamento provisional das actuacións, contra o que se pode interpoñer recurso directo de revisión no prazo de tres días. No devandito órgano xudicial os interesados poderán ter coñecemento íntegro da resolución.

E para que sirva de notificación en legal forma a Textil Zas, Sociedad Cooperativa Galega, en ignorado paradoiro, expido a presente para a súa inserción no Diario Oficial de Galicia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 9 de setembro de 2019

A letrada da Administración de xustiza