Mediante a Resolución do 30 de agosto de 2019 (DOG núm. 170, do 9 de setembro) publicáronse as relacións provisionais de admitidos e excluídos no concurso ordinario para a provisión de postos de traballo vacantes na Administración especial da Administración xeral da Comunidade Autónoma de Galicia, escalas do Servizo de Gardacostas de Galicia, convocado pola Resolución do 8 de maio de 2019 (DOG núm. 94, do 20 de maio).
A base VII.2 da convocatoria de concurso establece que as persoas excluídas disporán dun prazo de dez días hábiles, contados a partir do día seguinte ao da publicación da resolución, para poder emendar, de ser o caso, o defecto que motivase a exclusión.
Transcorrido o prazo establecido para presentar as correspondentes alegacións e unha vez examinadas estas, esta dirección xeral
RESOLVE:
Elevar a definitiva a relación de solicitantes admitidos e excluídos no concurso para a provisión de postos de traballo vacantes na Administración especial da Administración xeral da Comunidade Autónoma de Galicia, escalas do Servizo de Gardacostas de Galicia.
Publicar a relación definitiva de excluídos como anexo desta resolución.
A relación de persoas admitidas e excluídas poderá consultarse no portal web corporativo da Xunta de Galicia http://funcionpublica.xunta.gal, na epígrafe de <concurso de traslados>.
Contra esta resolución poderase interpoñer, no prazo dun mes contado desde o día seguinte ao da súa publicación no Diario Oficial de Galicia e de conformidade co establecido na Lei 39/2015, do 1 de outubro, do procedemento administrativo común das administracións públicas, recurso potestativo de reposición ante a Dirección Xeral da Función Pública ou, directamente, recurso contencioso-administrativo ante o Xulgado do Contencioso-Administrativo de Santiago de Compostela, no prazo de dous meses contados desde a mesma data e de conformidade co establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 24 de setembro de 2019
José María Barreiro Díaz
Director xeral da Función Pública
ANEXO
Listaxe de solicitudes excluídas
Concurso Trl.: F0119-Administración especial da Administración xeral da Comunidade Autónoma de Galicia, escalas do Servizo de Gardacostas de Galicia.
|
1º Apelido |
2º Apelido |
Nome |
NIF |
NRP |
Consellería |
Motivo da exclusión |
|
Rodríguez |
Cid |
Benito |
***378*** |
Consellería do Mar |
4 |
Causas de exclusión:
|
Cód. causa |
Causa exclusión |
|
4 |
Falta nomeamento para o corpo/categ. desde o que concursa |
