Examinada a solicitude de Greenalia Wind Power Ourol, S.L.U. (en adiante a promotora) sobre a modificación da declaración de utilidade pública, en concreto, do proxecto modificado do parque eólico Ourol, constan os seguintes:

Antecedentes de feito.

Primeiro. Mediante Resolución do 20 de decembro de 2010 pola que se aproba a relación de anteproxectos de parques eólicos seleccionados ao abeiro da Orde do 29 de marzo de 2010 para a asignación de 2.325 MW de potencia na modalidade de novos parques eólicos en Galicia (DOG nº 248, do 28 de decembro), admitiuse a trámite o parque eólico promovido por Enebro Ourol, S.L.U., cunha potencia de 24 MW.

Segundo. O 28.6.2011, Enebro Ourol, S.L.U. solicitou a autorización administrativa, a aprobación do proxecto de execución e do proxecto sectorial e a declaración, en concreto, de utilidade pública para o parque eólico.

Terceiro. Por Resolución do 11 de xuño de 2012, da xefatura territorial, sometéronse a información pública para autorización administrativa, aprobación do proxecto de execución, declaración de utilidade pública, en concreto, así como inclusión no réxime especial de produción de enerxía eléctrica e aprobación do seu estudo de impacto ambiental e do correspondente proxecto sectorial de incidencia supramunicipal, as instalacións relativas ao parque eólico.

A dita resolución publicouse no Diario Oficial de Galicia do 11.7.2012 e no Boletín Oficial da provincia de Lugo e no xornal La Voz de Galicia, ambos do 25.6.2012. Así mesmo, permaneceu exposta ao público nos taboleiros de anuncios da xefatura territorial e do concello afectado (Ourol).

Cuarto. Por Acordo do Consello da Xunta de Galicia do 17 de outubro de 2014 autorizáronse as instalacións, aprobouse o proxecto de execución e declarouse a utilidade pública, en concreto, do parque eólico Ourol, situado no concello de Ourol (Lugo) e promovido pola sociedade Enebro Ourol, S.L.U. cunha potencia total de 24 MW, o cal se fixo público por Resolución do 31 de outubro de 2014, da Dirección Xeral de Enerxía e Minas (DOG nº 90, do 11.5.2018).

Quinto. Con data do 24.4.2018 autorizou a Dirección Xeral de Enerxía e Minas a transmisión de titularidade do parque eólico Ourol a favor de Greenalia Wind Power Ourol, S.L.U.

Sexto. Con data do 4.5.2018 Greenalia Wind Power Ourol, S.L.U. solicitou unha modificación non substancial, aprobación do proxecto sectorial, declaración de especial interese e modificación da declaración de utilidade pública do parque eólico.

Sétimo. O 7.6.2018, o Consello da Xunta de Galicia declarou de interese especial o parque eólico referido, o que ten como efectos a tramitación de forma prioritaria e con carácter de urxencia e a redución á metade dos prazos necesarios na instrución do procedemento.

Oitavo. Con data do 27.11.2018, a promotora presentou unha nova modificación do proxecto do parque eólico, consistente no cambio de modelo de aeroxerador marca Lagerwey (Enercon) L 136 de 4,5 MW de potencia unitaria reducíndose o número de aeroxeradores de oito a cinco polo que a potencia total instalada diminúe desde os 24 MW autorizados ata os 22,5 MW, solicitando un novo recoñecemento como non substancial, achegando o 30.11.2018 a correspondente documentación técnica.

Noveno. Mediante Resolución do 28 de febreiro de 2019, da Dirección Xeral de Enerxía e Minas, recoñeceuse como non substancial a modificación do parque eólico Ourol, situado no concello de Ourol (Lugo), e recollida no punto anterior.

Décimo. O 23.4.2019 a xefatura territorial informou que as modificacións do parque eólico non afectan máis dereitos mineiros dos reflectidos nos informes da xefatura territorial xa emitidos nas datas do 1.6.2012, do 6.8.2012 e do 17.7.2018, os cales establecen a caducidade dos dereitos afectados.

Décimo primeiro. Con data do 24.4.2019 a promotora achegou a relación de bens e dereitos afectados do proxecto modificado do parque eólico de acordo co recollido na resolución do punto noveno.

Décimo segundo. Mediante Resolución do 3 de maio de 2019, da Dirección Xeral de Enerxía e Minas, someteuse a información pública a solicitude de modificación da declaración de utilidade pública, en concreto, e a necesidade de urxente ocupación que iso implica, referida ao proxecto modificado do parque eólico Ourol promovido por Greenalia Wind Power Ourol, S.L.U., no concello de Ourol (Lugo).

A dita resolución publicouse no Diario Oficial de Galicia do 16.5.2019, e no xornal El Progreso do 16.5.2019 e tamén na páxina web da Consellería de Economía, Emprego e Industria. Así mesmo, permaneceu exposta ao público na Dirección Xeral de Enerxía e Minas, na Xefatura Territorial da Consellería de Economía, Emprego e Industria de Lugo e no concello afectado de Ourol que emitiron os correspondentes certificados de exposición pública.

Durante o período en que a devandita solicitude se someteu ao trámite de información pública non se presentaron alegacións.

Décimo terceiro. O 30.5.2019, o Servizo de Montes da Xefatura Territorial de Lugo informou que o parque eólico afecta o monte veciñal en man común de Serra de Loibán, Costa de Cebrán e Pico Raso, e o convenio que este monte ten asinado coa administración forestal.

Décimo cuarto. Con data do 17.7.2019 a promotora achega a resolución da Dirección Xeral de Planificación e Ordenación Forestal sobre unha ocupación no monte veciñal en man común de Serra de Loibán, Costa de Cebrán e Pico Raso mediante a cal se autoriza a ocupación para a instalación do parque eólico Ourol.

Aos antecedentes de feito descritos sonlle de aplicación os seguintes

Fundamentos de dereito.

Primeiro. A Dirección Xeral de Enerxía e Minas é competente para resolver este procedemento con fundamento no Decreto 135/2017, do 28 de decembro, polo que se establece a estrutura orgánica da Consellería de Economía, Emprego e Industria e no artigo 44.1 da Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, modificada pola Lei 5/2017, do 19 de outubro, de fomento da implantación de iniciativas empresariais en Galicia.

Segundo. No expediente instruído para o efecto cumpríronse os trámites de procedemento establecidos na Lei 24/2013, do 26 de decembro, do sector eléctrico; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica; na Lei 8/2009, do 22 de decembro, modificada pola Lei 4/2014, do 8 de maio, e pola Lei 5/2017, do 19 de outubro, na Lei 39/2015, do 1 de outubro, do procedemento administrativo común das administracións públicas, e demais normas vixentes de aplicación.

De acordo con todo o que antecede,

RESOLVO:

Primeiro. Modificar a declaración de utilidade pública, en concreto, das instalacións do proxecto do parque eólico Ourol, segundo o previsto nos artigos 54 e 56 da Lei 24/2013, do 26 de decembro, do sector eléctrico, o que leva implícita a necesidade de ocupación dos bens ou de adquisición dos dereitos afectados e implica a urxente ocupación aos efectos do artigo 52 da Lei de expropiación forzosa do 16 de decembro de 1954 (BOE nº 351, do 17 de decembro).

Esta resolución publicarase no Diario Oficial de Galicia e no Boletín Oficial da provincia de Lugo, de acordo co establecido no artigo 148 do Real decreto 1955/2000, do 1 de decembro.

Contra a presente resolución, que non é definitiva en vía administrativa, poderase interpoñer recurso de alzada ante o conselleiro de Economía, Emprego e Industria da Xunta de Galicia, no prazo dun mes contado a partir do día seguinte ao da súa notificación, de conformidade cos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 13 de setembro de 2019

Ángel Bernardo Tahoces
Director xeral de Enerxía e Minas

ANEXO

Relación de bens e dereitos afectados polo parque eólico

Predio	Parcela				Propietario	Afeccións (m2)
	Datos catastrais		Lugar	Cultivo	Nome	Pleno dominio				Serv. de paso		Serv. de voo	Ocup. temp.
Pol.	Parc.	Cim.				Plat.	T. met.	Sub.	Vial	Gabia
22	152	209	Fernan Correa	Eucaliptos	Blanco Suárez María Laura					126	33
23	152	251	Capela	Piñeiral madeireiro	Suárez Bahamonde María Dolores					113	32
24	152	194	Capela	Piñeiral madeireiro	Pardo Pombar Jesús Gonzalo					126	35
25	152	189	Capela	Piñeiral madeireiro	Hermida Gómez Cándida					93	2
26	152	188	Capela	Piñeiral madeireiro	Pardo Teijeiro Félix					36
29	152	187	Capela	Piñeiral madeireiro	Pardo Teijeiro Félix					51	32
30	152	183	Capela	Piñeiral madeireiro	Vázquez Martínez Ramón					172	47
31	152	180	Capela	Piñeiral madeireiro	Salgueiro Abad Guillermo					221	53
35	152	164	Capela	Piñeiral madeireiro	Ramudo Gómez Flora (herdeiros de)					185	91
36	152	159	Cabaneiro	Piñeiral madeireiro	Soto Fraga Plácido					165	95	17
39	152	165	Capela	Piñeiral madeireiro	Ramudo Gómez Flora (herdeiros de)					107
40	152	158	Cabaneiro	Piñeiral madeireiro	Soto Fraga Plácido					73		50
46	152	100	Sobre Cufe	Piñeiral madeireiro	Prieto Rivera Manuel	155	16					534
47	152	101	Sobre Cufe	Piñeiral madeireiro	García Otero Néstor Manuel Gómez García Francisco José Gómez García Avelino	164	11					478
48	152	103	Sobre Cufe	Piñeiral madeireiro	Corbelle Díaz María Corbelle Rouco Dalmacio (herdeiros de) Corbelle Díaz Asunción Corbelle Díaz José Ramón	228	345					1.766
50	152	107	Sobre Cufe	Piñeiral madeireiro	Balsa Vázquez José Luis		824			6		823
51	152	108	Sobre Cufe	Piñeiral madeireiro	López Permuy Carmen (herdeiros de) Guerreiro López Guadalupe		609			325		26
57	152	144	Cabaneiro	Piñeiral madeireiro	Pardo Pombar Jesús Gonzalo	60	576			2	155	1.766
58	152	143	Cabaneiro	Piñeiral madeireiro	Rivera González Manuel Francisco Sánchez Rivera María Jesús		20			27	20	75
59	152	140	Cabaneiro	Piñeiral madeireiro	García Otero Néstor Manuel Gómez García Francisco José Gómez García Avelino					57	30	14
62	152	132	Cabaneiro	Matogueira	Pernas Bouza Jesús Ramón						44
63	152	129	Cabaneiro	Matogueira	Chao Chao José (herdeiros de)					66	90
64	152	128	Cabaneiro	Eucaliptos	Prieto Rivera Concepción					146	82
65	152	126	Campo das Cancelas	Piñeiral madeireiro	Prieto Rivera Amador					496	74
67	152	109	Sobre Cufe	Piñeiral madeireiro	Prieto Rivera Tomás					465
68	152	110	Sobre Cufe	Eucaliptos	Fernández Gómez Manuel (herdeiros de)					291	5
69	152	111	Sobre Cufe	Matogueira	Miguel Sánchez Ricardo					159	1
70	152	112	Sobre Cufe	Matogueira	Rivera González Manuel Francisco					401
71	152	113	Sobre Cufe	Matogueira	García Otero Néstor Manuel Gómez García Francisco José Gómez García Avelino					170
72	152	114	Sobre Cufe	Matogueira	Prieto Rivera José (herdeiros de)					248
77	152	121	Campo das Cancelas	Matogueira	Guerreiro Fernández María Vicenta (herdeiros de)					18	83
78	152	120	Campo das Cancelas	Matogueira	Prieto Rivera Manuel						95
79	152	119	Campo das Cancelas	Piñeiral madeireiro	Rivera González Manuel Francisco Sánchez Vázquez Gilberto						29
81	152	116	Campo das Cancelas	Piñeiral madeireiro	Rivera González Manuel Francisco Sánchez Vázquez Gilberto					121	347
82	156	249	Campo das Cancelas	Eucaliptos	Miguel Sánchez Ricardo					31	98
83	156	250	Campo das Cancelas	Eucaliptos	Miguel Sánchez Ricardo					82
100	155	17	Rego de Ramos	Piñeiral madeireiro	Moreiras Sánchez María José						12
118	156	100	Teixoeiras	Matogueira	Hermida Vázquez Juan Antonio Cándido							2.358
119	156	101	Teixoeiras	Piñeiral madeireiro	Carrera Pardo Margarita							1.077
122	156	104	Teixoeiras	Piñeiral madeireiro	Vizoso Fernández María Coral	564	1.192				238	3.352
123	156	105	Teixoeiras	Piñeiral madeireiro	Pardo Vázquez María Camelia		721			24	58	970
128	155	228	Rego de Ramos	Eucaliptos	Vázquez Vázquez María Olga Vázquez Vázquez Yolanda Vázquez Vázquez María Oliva					125	165
134	155	234	Cruz	Piñeiral madeireiro	Viñas Gómez Arturo (herdeiros de)					2
135	155	235	Cruz	Eucaliptos	Descoñecido					13
136	155	236	Cruz	Eucaliptos	Rodríguez Hermida María Mercedes Olanda					17
137	155	237	Cruz	Eucaliptos	Viñas Gómez Arturo (herdeiros de)						65
140	155	238	Prado do Pico	Matogueira	Descoñecido					11	49	937
141	155	241	Pico Grande	Piñeiral madeireiro	Pernas Fernández Purificación					6	54	1.356
143	155	245	Pico Pequeno	Piñeiral madeireiro	Cuba Gómez Francisco Maderas Cuba, S.L.	26	200			20	58	770
148	156	124	Potobella	Matogueira	Rodríguez Rodríguez Haydee Fernández Rodríguez Nefer Eugenia (herdeiros de) Fernández Rodríguez Ananda							532
149	156	125	Potobella	Piñeiral madeireiro	Rey Balseiro Carlos					17		1.582
156	155	252	Prado da Fonte	Matogueira	Gómez Lagar Élida		621				51	66
157	155	256	Pico Pequeno	Matogueira	Lagar Chao Rogelio		364				79
163	156	119	Potobella	Piñeiral madeireiro	Rodríguez Rodríguez Haydee Fernández Rodríguez Nefer Eugenia (herdeiros de) Fernández Rodríguez Ananda					77
169	155	274	Chao	Eucaliptos	Orosa Pita Ricardo (herdeiros de)				1.587		42
174	155	275	Chao	Piñeiral madeireiro	Franco Insua José Antonio				1.843
177	155	280	Penela	Eucaliptos	Orosa Pita Ricardo (herdeiros de)				840	30	103
178	155	281	Penela	Matogueira	Canda Pardo Ana María Pardo Pedre María Dolores (herdeiros de)					27	53
179	155	282	Penela	Robledal	Pita Chao María Antonia					53	32
183	156	137	Prado de Milleiro	Matogueira	Guerreiro Chao Ovidio Guerreiro Chao Margarita					14
189	161	154	Campo Capilla	Matogueira	Descoñecido					336	50
199	161	135	Cason	Matogueira	Descoñecido					220
200	161	173	Pico do Golpe	Eucaliptos	Orosa Pita Ricardo (herdeiros de)					147
205	161	137	Sobre do Camiño	Matogueira	Descoñecido					42
211	161	178	Pico do Golpe	Matogueira	Orosa Pita Ricardo (herdeiros de)					176	45	1.749
232	161	54	Coto da Cruz	Matogueira	Descoñecido					288
246	185	20	Chao da Pena	Prado	Penabad Vázquez Francisco (herdeiros de)					11
247	185	21	Chao da Pena	Matogueira	Arias Sampedro Dolores					9
257	185	38	Por Lopez	Matogueira	Castro Rouco Leonor (herdeiros de)					44
259	184	7	Por Lopez	Matogueira/Pinar	Franco Castelo Dulce María					25
261	184	62	Tarreo Medio	Prado	Castro Rouco Leonor (herdeiros de)					268			204
262	184	63	Tarreo Medio	Labor	Maseda Prieto Celia					243			86
263	184	66	Campo	Labor	Balsa López Ramón (herdeiros de)					317			216
264	184	64	Tarreo Medio	Labor	García Barro Dolores (herdeiros de)					129			213