En cumprimento do establecido no artigo 48 da Lei 21/2013, do 9 de decembro, de avaliación ambiental, faise público que, de acordo co establecido no artigo 60.1.b) da Lei 7/2012, do 28 de xuño, de montes de Galicia, a Xefatura Territorial da Consellería do Medio Rural de Lugo autorizou, mediante a Resolución do 19 de agosto de 2019, o cambio de actividade forestal a agrícola da parcela 18 do polígono 43 do termo municipal de Baralla e da parcela 153 do polígono 72 do termo municipal do Corgo.

O proxecto foi sometido previamente a avaliación ambiental simplificada e o informe de impacto ambiental foi formulado con data do 5 de agosto de 2019.

Lugo, 26 de agosto de 2019

María Olga Iglesias Fontal
Xefa territorial de Lugo