Eu, Elena Menéndez Valdés, letrada da Administración de xustiza do Xulgado número 1 de Mondoñedo, fago saber que no procedemento de referencia se ditou a resolución cuxa parte dispositiva é a seguinte:
En nome do rei,
Cristina Díaz Rodríguez, maxistrada do Xulgado de Primeira Instancia e Instrución 1 de Mondoñedo e o seu partido xudicial, dita a seguinte sentenza,
Mondoñedo, 11 de xullo de 2019.
Vistos por Cristina Díaz Rodríguez, maxistrada do Xulgado de Primeira Instancia e Instrución número 1 de Mondoñedo, os autos do xuízo ordinario 346/2018 en que son partes a demandante MSR-Aluguer de Máquinas e Equipamentos, Lda., representada pola procuradora señora Tella Costa e asistida polo letrado señor Tomé Pazos, e a demandada Construcciones y Alquiler de Maquinaria San Cosme, S.L.U., declarada en rebeldía procesual.
Resolución.
Estimo substancialmente a demanda interposta pola representación de MSR-Aluguer de Máquinas e Equipamentos, Lda., contra a demandada Construcciones y Alquiler de Maquinaria San Cosme, S.L.U., e condénoa a que aboe á demandante a cantidade de 11.127,87 euros, así como os xuros legais correspondentes desde a interposición do monitorio, con imposición de custas á parte demandada.
Notifíquese esta resolución ás partes e fágaselles saber que contra ela cabe interpor recurso de apelación no prazo de 20 días contado desde o seguinte ao da súa notificación.
E como consecuencia do ignorado paradoiro de Construcciones y Alquiler de Maquinaria San Cosme, S.L.U., expídese este edicto para que sirva de cédula de notificación.
Mondoñedo, 12 de xullo de 2019
A letrada da Administración de xustiza