Eu, María Mercedes Santos García, letrada da Administración de xustiza do Xulgado do Social número 6 da Coruña, fago saber que no procedemento PO 994/2018, seguido por instancia de Manuel Ángel Carnero Díaz contra Mutua Fremap y Bahía de Mera, S.L., con intervención do Fondo de Garantía Salarial, sobre reclamación de cantidades derivadas dunha situación de incapacidade temporal, se ditou sentenza número 392/2019, do 8 de xullo, estimando a demanda, e contra a que non cabe recurso. O texto íntegro da resolución está á disposición dos interesados no propio xulgado.
E para que sirva de notificación en legal forma a Bahía de Mera, S.L., en ignorado paradoiro, expido o presente edicto para a súa inserción no Diario Oficial de Galicia.
Advírtese á destinataria de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.
A Coruña, 19 de xullo de 2019
A letrada da Administración de xustiza