Mediante Decreto da Alcaldía comunícase a José Canoura Díaz titular catastral da parcela 244 polígono 23 con referencia catastral 27067A023002440000XX; e a David Basanta Miranda e Elia Basanta Miranda, titulares catastrais ao 50 % da propiedade da parcela 233 polígono 23 con referencia catastral 27067A023002330000XL, despois de realizar a visita de inspección polo Servizo de Vixilancia Urbanística dos predios da súa propiedade sitas na Carreira, Covas, Viveiro, compróbase que non teñen procedido a cumprir a obriga que se deriva do artigo 21 da Lei 3/2007, do 9 de abril, de prevención e defensa contra os incendios forestais de Galicia e a súa modificación pola Lei 9/2017, do 26 de decembro, de medidas fiscais e administrativas, no relativo á xestión da biomasa vexetal e á retirada de especies arbóreas prohibidas, polo que son requiridas como persoas responsables e concédeselles para facelo un prazo máximo de 15 días naturais.

Sendo descoñecido o domicilio fiscal dos titulares catastrais interesados no procedemento e en cumprimento do disposto no punto c) do artigo 22 da citada Lei 3/2007 procede notificar mediante anuncio no Boletín Oficial del Estado e no Diario Oficial de Galicia. O prazo para o cumprimento computarase desde a publicación do anuncio no Boletín Oficial del Estado.

Indícase que o texto íntegro do acto que se notificará, así coma o expediente no seu conxunto, atópanse á disposición dos interesados para o seu exame e coñecemento nas dependencias de Urbanismo do Concello de Viveiro.

Viveiro, 14 de agosto de 2019

María Loureiro García
Alcaldesa