De conformidade co disposto no artigo 22.3 da Lei 3/2007, do 9 de abril, de prevención e defensa contra os incendios forestais de Galicia, e ao non poder determinarse a identidade da persoa responsable da xestión da biomasa vexetal e retirada de especies arbóreas prohibidas por causas non imputables ao Concello de Celanova, por este anuncio ponse de manifesto o incumprimento da obriga de xestión da biomasa e retirada de especies arbóreas prohibidas en relación co inmoble que a continuación de describe, imposta polo artigo 22.1 da Lei 3/2007, do 9 de abril, de prevención e defensa contra os incendios forestais de Galicia:

En cumprimento do disposto na letra c) do ordinal oitavo da Instrución 1/2018, do 26 de abril (DOG núm. 87, do 7 de maio), publícase este anuncio para os efectos da notificación da comunicación e requirimento para lembrar o cumprimento da obriga de xestión da biomasa vexetal e retirada de especies arbóreas, cuxo contido será obxecto de publicación no Boletín Oficial del Estado (TEU). A partir desta última publicación comezará a computarse o prazo de quince (15) días naturais para que as persoas responsables cumpran coa obriga da xestión da biomasa e, de ser o caso, da retirada de especies arbóreas prohibidas.

Celanova, 5 de xullo de 2019

Antonio Puga Rodríguez
Alcalde