De conformidade coa proposta da comisión designada para xulgar o concurso de acceso que convocou esta universidade mediante a Resolución do 13 de maio de 2019 (BOE do 31 de maio), para a provisión da praza número 19/017, de profesora titular de universidade da área de coñecemento de Física Aplicada, Departamento de Física e Ciencias da Tierra desta universidade, a favor de María Belén Montero Rodríguez, con DNI ***9102**, e unha vez que a persoa interesada acreditou os requisitos establecidos na convocatoria.

Esta reitoría, no uso das atribucións que lle confire o artigo 20 da Lei 6/2001, do 21 de decembro, de universidades, e demais disposicións que a desenvolven, resolveu nomear a María Belén Montero Rodríguez profesora titular de universidade da área de coñecemento de Física Aplicada, Departamento de Física e Ciencias da Tierra desta universidade.

Este nomeamento, producirá plenos efectos a partir da correspondente toma de posesión pola interesada, que se deberá efectuar no prazo máximo de vinte días contados desde o día seguinte ao da publicación deste nomeamento no Boletín Oficial del Estado; para estes efectos, o mes de agosto será inhábil.

Contra a presente resolución, que esgota a vía administrativa, poderá interpoñer un recurso contencioso-administrativo no prazo de dous meses, que se contarán desde o día seguinte ao da súa publicación, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa. Previamente, e con carácter potestativo, poderá interpoñer un recurso de reposición, ante esta Reitoría, no prazo dun mes, de acordo co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas (BOE do 2 de outubro).

A Coruña, 23 de xullo de 2019

Julio E. Abalde Alonso
Reitor da Universidade da Coruña