De conformidade co disposto nos artigos 45 e 46 da Lei 39/2015 (BOE nº 236, do 2 de outubro), do procedemento administrativo común das administracións públicas, e por motivos de interese público que o fan aconsellable, faise público, mediante a publicación no Boletín Oficial del Estado e no Diario Oficial de Galicia, que o 27 de xuño de 2019 a Presidencia de Portos de Galicia emitiu a resolución que acorda estimar o recurso potestativo de reposición interposto por Combarromar, S.A. contra a resolución desta presidencia do 29 de marzo de 2019 que decreta a caducidade da concesión administrativa outorgada a Combarromar, S.A. por resolución da Presidencia de Portos de Galicia do 15 de decembro de 2006, para a ocupación de dominio público portuario do porto de Combarro con destino á construción e explotación de instalacións para a navegación recreativa, resolución que, polo tanto, queda arquivada e fai recobrar toda a súa vixencia á concesión administrativa.
A resolución emítea a Presidencia de Portos de Galicia con base nas competencias que lle confire a ese órgano o artigo 12.3.j) da Lei 6/2017, do 12 de decembro, de portos de Galicia, e de acordo co establecido no artigo 123 da Lei 39/2015, do 1 de outubro, do procedemento administrativo común das administracións públicas.
O expediente completo para o seu exame está na sede dos servizos centrais da entidade pública empresarial Portos de Galicia, onde poderá ser consultado de luns a venres, das 9.00 ás 14.00 horas.
A resolución pode ser obxecto de recurso contencioso-administrativo, que deberá ser interposto nun prazo de dous meses contados desde o día seguinte ao da notificación que se teña efectuado ao interesado sinalado ou, noutro caso, contados desde a publicación desta cédula, ante o Xulgado do Contencioso-Administrativo de Santiago de Compostela que corresponda.
Santiago de Compostela, 27 de xuño de 2019
José Juan Durán Hermida
Presidente de Portos de Galicia