En cumprimento do disposto no artigo 23.4 da Lei 3/2008, do 23 de maio, de ordenación da minaría de Galicia, sométese ao trámite de información pública o proxecto de explotación, estudo de impacto ambiental e restauración para ampliación da canteira Piedras Alvarellos, número 165, situada no termo municipal de Cabana de Bergantiños (A Coruña) e promovido por Miguel Ángel Alvarellos Eiroa.
O que se fai público facendo constar que, durante o prazo de trinta días hábiles contados a partir do día seguinte ao da publicación deste anuncio no Diario Oficial de Galicia, a documentación está dispoñible ao público, para a súa consulta, na Sección de Minas da Xefatura Territorial da Consellería de Economía, Emprego e Industria na Coruña e no portal da Consellería de Economía, Emprego e Industria (http://ceei.xunta.gal/transparencia/informacion-publica/en-tramitacion/explotacions-mineiras). As posibles alegacións presentaranse durante o prazo sinalado, dirixidas ao xefe territorial da Consellería de Economía, Emprego e Industria na Coruña, en calquera das oficinas previstas no artigo 16.4 da Lei 39/2015, do 1 de outubro, do procedemento administrativo común das administracións públicas.
A Coruña, 12 de xuño de 2019
Isidoro Martínez Arca
Xefe territorial da Coruña