Neste órgano xudicial interpúxose recurso contencioso-administrativo, que se tramita como procedemento ordinario PO 4086/2019, por instancia do procurador Óscar Pérez Goris, en nome e representación de Cruceros Rías Bajas, S.L., contra a Consellería de Medio Ambiente, Territorio e Vivenda, sobre o Decreto 177/2018, do 27 de decembro, polo que se aproba o Plan reitor de uso e xestión do Parque Nacional Marítimo-Terrestre das Illas Atlánticas de Galicia.
Polo que, en cumprimento da dilixencia de ordenación do 10 do actual e do establecido no artigo 47.2 da Lei reguladora da xurisdición contencioso-administrativa (LXCA), se concede un prazo de quince días para a comparecencia daqueles que teñan interese lexítimo en soster a conformidade a dereito da disposición impugnada.
A Coruña, 11 de xuño de 2019
José Miguel Formoso Sobrado
Letrado da Administración de xustiza