De conformidade co artigo 9 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, dáse publicidade á encomenda da Axencia Turismo de Galicia á Empresa Pública de Servizos Agrarios Galegos, S.A. (Seaga) para o apoio técnico, dirección de execución e coordinación de seguridade e saúde das actuacións de conservación integral dos camiños de Santiago na Comunidade Autónoma de Galicia, coas seguintes características:

– Actividade: o obxecto deste encargo consiste na realización de dúas tarefas principalmente:

• Realización da dirección de execución e coordinación de seguridade e saúde nas obras de conservación integral dos camiños de Santiago na Comunidade Autónoma de Galicia.

• Servizo de apoio técnico para o control e vixilancia das actuacións da conservación integral dos camiños de Santiago na Comunidade Autónoma de Galicia.

– Natureza e alcance da xestión encomendada: esta encomenda ten natureza intersubxectiva ao realizarse entre entidades públicas pertencentes ao sector público autonómico dotadas de personalidade xurídica propia e ser a Empresa Pública de Servizos Agrarios Galegos, S.A. medio propio e servizo técnico da Administración da Comunidade Autónoma de Galicia, segundo o disposto nos artigos 10, 47 e 48 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.

– Prazo de vixencia da encomenda: os traballos realizaranse desde o 1 de agosto de 2019 ata o 31 de decembro de 2021.

– Financiamento: o orzamento da encomenda ascende a 361.894,94 € e tramítase con cargo á aplicación orzamentaria 11.A2.761A.616.0, proxecto de gasto 2015 00008.

Santiago de Compostela, 19 de xuño de 2019

Mª Nava Castro Domínguez
Directora de Turismo de Galicia