Eu, María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago saber que no procedemento de execución de títulos xudiciais 52/2019 deste xulgado do social, seguido por instancia de Manuela Sande Rivedeneira contra Castrobarredo, S.L., Línea Norte Multiservicios, S.L. e o Fogasa, se ditou a seguinte resolución cuxa parte dispositiva é do teor literal seguinte:

«Decreto.

Letrada da Administración de xustiza: María Teresa Vázquez Abades.

Santiago de Compostela, 3 de xuño de 2019.

Parte dispositiva.

Acordo:

a) Declarar as executadas Castrobarredo, S.L. e Línea Norte Multiservicios, S.L. en situación de insolvencia total: por importe de 1.256,75 euros en concepto de principal (1.082,64 euros máis 174,11 euros en concepto de xuros do artigo 29.3 do ET), máis outros 125,67 euros que se fixan provisionalmente en concepto de xuros que, se é o caso, se poidan percibir durante a execución e as custas desta, sen prexuízo da súa posterior liquidación, respecto de Castrobarredo, S.L.; e por importe de 677,07 euros en concepto de principal (583,27 euros máis 93,8 euros en concepto de xuros do artigo 29.3 do ET), máis outros 67,70 que se fixan provisionalmente en concepto de xuros que, se é o caso, se poidan percibir durante a execución e as custas desta, sen prexuízo da súa posterior liquidación, respecto de Línea Norte Multiservicios, S.L., insolvencia que se entenderá para todos os efectos como provisional.

b) Arquivar as actuacións logo de anotación no libro correspondente, sen prexuízo de proseguir a execución se a partir deste momento se coñecen novos bens das executadas.

c) Unha vez asine a presente resolución, procédase á súa inscrición no rexistro correspondente.

d) Expedir os testemuños das resolucións procedentes, que se entregarán á parte executante na oficina xudicial deste xulgado.

Modo de impugnación: contra a presente resolución cabe recurso directo de revisión que deberá interporse ante quen dita a resolución no prazo dos tres días hábiles seguintes á notificación desta, con expresión da infracción cometida nesta a xuízo do recorrente, artigo 188 da LXS. A letrada da Administración de xustiza».

E para que sirva de notificación en legal forma a Castrobarredo, S.L. e Línea Norte Multiservicios, S.L., en paradoiro ignorado, expido o presente edicto para a súa inserción no Diario Oficial de Galicia.

Santiago de Compostela, 3 de xuño de 2019

A letrada da Administración de xustiza