O Concello de Muíños (Ourense) presentou o 8 de xuño de 2018 unha solicitude de licenza para a prestación do servizo público de comunicación audiovisual radiofónica.

A Secretaría de Estado para o Avance Dixital resolveu con data do 26 de abril de 2019 acordar a reserva provisional de frecuencia a favor deste municipio, unha vez que se indicou a súa viabilidade técnica e se cumpriron os requisitos exixidos no artigo 4.b) e c) do Real decreto 1273/1992, do 23 de outubro, polo que se regula o outorgamento de concesións e a asignación de frecuencias para a explotación do servizo público de radiodifusión sonora en ondas métricas con modulación de frecuencia polas corporacións locais.

Segundo o artigo 26 do Decreto 102/2012, do 29 de marzo, que desenvolve o servizo de comunicación audiovisual radiofónica no ámbito da Comunidade Autónoma de Galicia, previamente ao outorgamento da licenza para a prestación do servizo público de comunicación audiovisual radiofónica por entidades locais, é necesario avaliar se o novo servizo se axusta á misión de servizo público e se altera a competencia no mercado audiovisual, co obxecto de que o resto dos prestadores do servizo de comunicación audiovisual radiofónica, do mesmo ámbito de cobertura, formulen as alegacións que consideren convenientes. Daquela

RESOLVO:

Someter ao trámite de información pública por un período de 20 días hábiles, contados desde o día seguinte ao da data de publicación desta resolución no Diario Oficial de Galicia, a solicitude do Concello de Muíños (Ourense) dunha licenza para a prestación do servizo público de comunicación audiovisual radiofónica coas seguintes características.

Municipio:	Muíños
FMHz (frecuencia de emisión en megahertz):	107.2
Lonxitude:	007W5818
Latitude:	41N5726
Cota (en metros, do centro emisor):	619
HEFX (altura efectiva máxima da antena en metros):	148
PRAH (potencia radiada aparente máxima da compoñente horizontal, en quilowatts):	0,025
PRAV (potencia radiada aparente máxima da compoñente vertical, en quilowatts):	0,025
P (polarización da emisión):	mixta
D (característica de la radiación):	non directiva

Os prestadores do servizo de comunicación audiovisual do mesmo ámbito de cobertura que se consideren afectados poderán presentar as súas alegacións a esta secretaría xeral a través do Rexistro Electrónico da Xunta de Galicia, no prazo de 20 días hábiles. Así mesmo e durante o mencionado prazo, tamén se poderá examinar a citada solicitude.

Santiago de Compostela, 28 de maio de 2019

Mar Sánchez Sierra
Secretaria xeral de Medios