De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, resultando infrutuosos os intentos de notificación e/ou descoñecido o domicilio da titular, notifícase á persoa interesada que se sinala no anexo deste anuncio o trámite de audiencia efectuado no expediente de expropiación forzosa para a execución da obra vía de alta capacidade Carballo-Berdoias claves AC/06/140.01.75, AC/06/140.01.75-PC e AC/10/140.01.75, no concello de Coristanco.

A persoa interesada dispón dun prazo de dez (10) días contados desde o día seguinte ao da publicación deste anuncio no Boletín Oficial del Estado, para compareceren nas oficinas da sede do Servizo Provincial da Coruña da AXI sita na rúa Vicente Ferrer, 2, A Coruña, das 9.00 ás 14.00 horas, de luns a venres, para o coñecemento íntegro do trámite de audiencia e constancia de tal coñecemento. Transcorrido o dito prazo de dez (10) días sen se efectuar a comparecencia, a notificación entenderase producida desde o día seguinte ao do vencemento do prazo sinalado para comparecer.

A eficacia do acto queda supeditada á súa publicación no taboleiro de edictos único (TEU) do Boletín Oficial del Estado (BOE), polo que o prazo para presentar o recurso se computará desde esa publicación.

A Coruña, 31 de maio de 2019

Felipe de la Vega Gándaras
Xefe do Servizo Provincial da Coruña

ANEXO

Clave de obra	Predio	Interesada	Acto que se notifica
AC/06/140.01.75	427	Carmen Martínez Lorenzo	Trámite de audiencia
AC/06/140.01.75-PC	427 CO	Carmen Martínez Lorenzo	Trámite de audiencia
AC/10/140.01.75_	427 CO-2	Carmen Martínez Lorenzo	Trámite de audiencia
AC/06/140.01.75	439	Carmen Martínez Lorenzo	Trámite de audiencia