Antecedentes:
O artigo 6.2 da Lei 8/2013, do 28 de xuño, de estradas de Galicia, e o artigo 12.2 do Decreto 66/2016, do 26 de maio, polo que se aproba o Regulamento xeral de estradas de Galicia, determinan que os espazos destinados a sendas para peóns ou para a circulación de ciclistas teñan a consideración de elementos funcionais da estrada. Tendo en conta este precepto, a Xunta Galicia elaborou a Estratexia en materia de mobilidade alternativa de Galicia, entre cuxos obxectivos está o fomento dos sistemas de transporte alternativos aos motorizados, que permitan minimizar as repercusións sobre o ambiente e os seus impactos sociais e económicos.
Os beneficios esperados con esta iniciativa son, entre outros, a mellora da mobilidade, a mellora da calidade do aire, da saúde, da igualdade e benestar da economía, do patrimonio e do urbanismo.
Con data do 2 de novembro de 2016 a Axencia Galega de Infraestruturas aprobou, con base na Estratexia en materia de mobilidade alternativa de Galicia, o documento Estratexia en materia de mobilidade alternativa na comarca do Morrazo e concellos limítrofes, onde unha das sendas propostas era unha senda na PO-313, que agora se desenvolve mediante o proxecto construtivo de fomento da mobilidade sustentable. Senda na PO-313. Treito: Pardavila-Cadro. Puntos quilométricos 3+330-4+130, de clave PO/17/057.06.
O obxecto do proxecto é a xustificación e definición das obras de construción dunha senda de uso peonil e ciclista pola marxe esquerda da estrada PO-313, no treito comprendido entre os pp.qq. 3+330-4+130, no concello de Marín.
A senda proxectada consta dun pavimento de formigón coloreado, limitado exteriormente por un bordo de formigón de 22 cm de ancho, e cun ancho mínimo de 1,8 m, pero variable en función da dispoñibilidade de espazo. A elevación con respecto á rasante da calzada será de 3 cm.
Ademais da execución da propia senda, realizaranse unha serie de actuacións complementarias, como son:
– O acondicionamento da marxe da estrada entre os pp.qq 3+835 e 3+865, que non dispón na actualidade de ningún tipo de pavimento, coa disposición dunha sección completa de firme.
– O traslado do cruceiro sito no p.q. 3+350 da marxe esquerda da estrada, aproximadamente, coa finalidade de acadar un ancho mínimo na senda que permita cumprir a normativa de accesibilidade.
– O traslado da marquesiña existente no p.q 3+440, coa finalidade de dispor do espazo suficiente para albergar o ancho mínimo da senda, así como o espazo suficiente para que os autobuses se deteñan con seguridade.
– Relocalización dos elementos urbanos existentes na contorna do p.q. 3+525, instalación dunha marquesiña no p.q. 3+950 (marxe esquerda), reposición da rede de drenaxe e servizos afectados, recuamento dos sinais verticais afectados pola construción da senda e reposición da sinalización horizontal.
Considerando todo o exposto e o establecido na normativa vixente,
RESOLVO:
Primeiro. De acordo co establecido no artigo 21.1 da Lei 8/2013, do 28 de xuño, de estradas de Galicia, e no artigo 50 do Decreto 66/2016, do 26 de maio, polo que se aproba o Regulamento xeral de estradas de Galicia, o mencionado proxecto de construción sométese ao trámite de información pública, durante un período de trinta días hábiles, contados a partir do seguinte ao da publicación deste anuncio no Diario Oficial Galicia, para que as persoas que o consideren oportuno poidan formular por escrito, ante a Axencia Galega de Infraestruturas, as observacións que crean convenientes relativas á concepción global do trazado deseñado.
Segundo. Que simultaneamente ao trámite sinalado no parágrafo anterior, e para os efectos previstos no artigo 56.1 do Decreto do 26 de abril de 1957, polo que se aproba o Regulamento de expropiación forzosa, sométese a información pública a relación individual de bens, dereitos e propietarios afectados pola realización da obra correspondente, para que os afectados presenten cantas alegacións ou rectificacións consideren convenientes en canto aos bens e dereitos descritos na relación anexa.
Terceiro. A exposición ao público, para os efectos da presente resolución, realízase na Axencia Galega de Infraestruturas (San Caetano, s/n, 15781 Santiago de Compostela), no Servizo de Infraestruturas de Pontevedra (avenida Mª Victoria Moreno, 43, 1º, 36071 Pontevedra), na Casa do Concello de Marín (avenida de Ourense, s/n, 36900 Marín, Pontevedra).
Así mesmo, na páxina web da Consellería de Infraestruturas e Mobilidade (http://infraestruturasemobilidade.xunta.gal/organizacion/c/CIV_Axencia_Galega_de_Infraestruturas), atópase á disposición dos interesados o documento completo do proxecto de construción.
Santiago de Compostela, 29 de maio de 2019
Francisco Menéndez Iglesias
Director da Axencia Galega de Infraestruturas
ANEXO
Relacion de bens, dereitos e propietarios afectados
Proxecto de construción
Fomento da mobilidade sustentable. Senda na PO-313. Treito: Pardavila-Cadro
P.q. 3+330-4+130
Clave: PO/17/057.06
Concello de Marín.
Listaxe de parcelas afectadas de forma definitiva
Nº |
Ref. catastral |
Titular |
Tipo terreo |
Clasif. urbanística |
Sup. afectada (m²) |
Bens afectados |
1 |
36026A01400382 |
Loira Calvar, Manuel |
Rústico |
Solo rústico de protección de infraestruturas con plan especial |
59 |
Edificación (34,00 m²). Superficie total que se vai demoler é 67 m². Considérase afección a parte non incluída no dominio público viario. |
2 |
36026A01400029 |
Chapela Pose, Mercedes |
Rústico |
Solo rústico de protección de infraestruturas con plan especial |
2 |
|
3 |
36026A01400371 |
Chapela Pose, Mercedes |
Rústico |
Solo rústico de protección de infraestruturas con plan especial |
4 |
Peche de postes de formigón e arame (6 m²). |
4 |
36026A01400370 |
Piñeiro García, Amelia |
Rústico |
Solo rústico de protección de infraestruturas con plan especial |
4 |
|
5 |
36026A01400023 |
García Souto, Josefa |
Rústico |
Solo rústico de protección de infraestruturas con plan especial |
10 |
|
6 |
36026A01400365 |
García Souto, Josefa |
Rústico |
Solo rústico de protección de infraestruturas con plan especial |
21 |
|
7 |
36026A01400022 |
Loira Calvar, Manuel |
Rústico |
Solo rústico de protección de infraestruturas con plan especial |
3 |
---- |
9 |
36026A01300162 |
Com. Montes Veciñais Sto. Tomé de Piñeiro |
Rústico |
Solo rústico de protección de infraestruturas con plan especial |
32 |
---- |
Listaxe de parcelas afectadas temporalmente
Nº |
Ref. catastral |
Titular |
Tipo terreo |
Clasif. urbanística |
Sup. afectada (m²) |
Bens afectados |
8 |
C20608700NG29A |
García Piñeiro, Dionisio |
Urbano |
Residencial |
16 |
Edificación (16 m²). Superficie total que se vai demoler 28 m². |