Eu, María Mercedes Santos García, letrada da Administración de xustiza do Xulgado do Social número 6 da Coruña, fago saber que no procedemento de execución de títulos xudiciais 54/2019, seguido por instancia de Susana Méndez Recuero contra Iniciativas y Desarrollo Inmobiliario y de Arquitectura, sobre reclamación de cantidade, se ditaron o Auto en que se despacha execución e o Decreto de embargo, do 7 de maio de 2019, e contra os cales se pode interpor recurso de reposición e de revisión directo, respectivamente, no prazo de tres días. No dito órgano xudicial os interesados poderán ter coñecemento íntegro de ambas as resolucións.

Para que sirva de notificación e requirimento en legal forma ao representante legal de Iniciativas y Desarrollo Inmobiliario y de Arquitectura, en ignorado paradoiro, expido este edicto para a súa inserción no Diario Oficial de Galicia.

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 8 de maio de 2019

A letrada da Administración de xustiza