Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 102 Venres, 31 de maio de 2019 Páx. 26578

IV. Oposicións e concursos

Servizo Galego de Saúde

ANUNCIO do 15 de maio de 2019, da Xerencia de Xestión Integrada da Coruña, polo que se dá publicidade da resolución da mesma data pola que se convoca a provisión, mediante vinculación temporal, de diversas prazas da categoría de facultativo especialista de área para os servizos sanitarios de atención especializada da dita xerencia.

En cumprimento do establecido no artigo 67 do Decreto 206/2005, do 22 de xullo (DOG nº 145, do 29 de xullo), de provisión de prazas de persoal estatutario do Servizo Galego de Saúde, en virtude das competencias atribuídas polo Decreto 43/2013, do 21 de febreiro (DOG nº 47, do 7 de marzo), polo que se establece a estrutura orgánica do Servizo Galego de Saúde, modificado polo Decreto 111/2013, do 4 de xullo (DOG nº 140, do 24 de xullo), e polo Decreto 168/2010, do 7 de outubro (DOG nº 199, do 15 de outubro), polo que se regula a estrutura organizativa de Xestión Integrada do Servizo Galego de Saúde, e a Orde do 5 de xullo de 2012 (DOG nº 139, do 20 de xullo) sobre delegación de competencias en órganos centrais e periféricos do Servizo Galego de Saúde, o xerente de Xestión Integrada da Coruña

RESOLVE:

Primeiro. Anunciar a convocatoria para a cobertura, mediante vinculación temporal, por concurso de méritos, de diversas prazas de facultativo especialista de área para os servizos sanitarios de atención especializada da dita xerencia.

Segundo. As solicitudes, que se deberán dirixir á Xerencia de Xestión Integrada da Coruña, poderanse presentar no Rexistro da Xerencia de Xestión Integrada da Coruña (Hospital A Coruña; As Xubias de Arriba, 84, 15006 A Coruña), así como a través de calquera dos procedementos do artigo 16.4 da Lei 39/2015, do 1 de outubro, do procedemento administrativo común das administracións públicas. O prazo de presentación de solicitudes será de quince días naturais contados desde o día seguinte ao da publicación do anuncio desta convocatoria no Diario Oficial de Galicia.

Terceiro. As bases íntegras da convocatoria estarán expostas na páxina web do Espazo do Profesional da Xerencia de Xestión Integrada da Coruña e na páxina web do Servizo Galego de Saúde (www.sergas.es).

A Coruña, 15 de maio de 2019

Luis Verde Remeseiro
Xerente de Xestión Integrada da Coruña