Eu, Rosana Corral García, letrada da Administración de xustiza do Xulgado do Social número 4 da Coruña, dou fe e certifico que neste xulgado se seguen autos número 1054/2016 por instancia de Josefa Remuiñán Sánchez contra a empresa Shisvi, S.L., o seu administrador concursal e o Fondo de Garantía Salarial, sobre cantidade, nos cales se ditou Sentenza do 23.4.2019 que copiada nos particulares necesarios di así:
«Resolvo:
Acéptase a demanda interposta por Josefa Remuiñán Sánchez fronte á empresa Shisvi, S.L. e o seu administrador concursal, con intervención do Fondo de Garantía Salarial e, en consecuencia:
-Condénase a empresa Shisvi, S.L. a aboarlle a Josefa Remuiñán Sánchez a cantidade de dous mil trescentos setenta e cinco euros con setenta e oito céntimos de euro (2.375,78 euros), vinculando tales cantidades ao administrador concursal.
Notifíqueselles a presente resolución ás partes, facéndolles saber que contra ela non cabe recurso de suplicación por razón da contía, sen prexuízo dos demais motivos previstos no artigo 191 da LRXS.
A competencia para coñecer o recurso de suplicación corresponderá, se é o caso, ao Tribunal Superior de Xustiza de Galicia, que se debe anunciar neste xulgado no prazo dos cinco días seguintes ao da notificación desta resolución, abonda a manifestación da parte ou do seu avogado, graduado social ou representante dentro do indicado prazo.
Se o recorrente non goza do beneficio de xustiza gratuíta deberá, ao tempo de anunciar o recurso, ter consignado a cantidade obxecto de condena, así como o depósito de 300 euros na conta de depósitos e consignacións que ten aberta este xulgado, facendo constar no ingreso o número de procedemento.
Así o acorda, manda e asina, Nicolás E. Pita Lloveres, maxistrado do Xulgado do Social número 4 da Coruña».
E para que conste, para os efectos da súa publicación no Diario Oficial de Galicia, co fin de que sirva de notificación en forma á empresa Shisvi, S.L., expido e asino o presente edicto.
A Coruña, 7 de maio de 2019
A letrada da Administración de xustiza
