De conformidade co disposto nos artigos 44 e 82 da Lei 39/2015, do 1 de outubro, do procedemento administrativo común das administracións públicas, notifícaselles e outórgaselles audiencia aos titulares dos establecementos que no anexo I se mencionan, no procedemento de baixa e cancelación da inscrición no Rexistro de Empresas e Actividades Turísticas da Comunidade Autónoma de Galicia.

Mediante a visita da Inspección comprobouse que nos establecementos que se relacionan no anexo non se realiza nin exerce a actividade turística.

Considerando que nos expedientes non consta ningunha comunicación do cesamento da actividade, esta área provincial acordou, ao abeiro do establecido no artigo 46 da Lei 7/2011, do 27 de outubro, do turismo de Galicia, e no artigo 17 do Decreto 82/1987, do 26 de marzo, polo que se crea o Rexistro de Empresas e Actividades Turísticas da Comunidade Autónoma galega, iniciar o expediente de baixa de oficio do establecemento relacionado no anexo.

O que se lles notifica aos titulares dos establecementos referidos no dito anexo I, para que no prazo de quince (15) días poidan efectuar as alegacións que xulguen pertinentes; poderán examinar o expediente e obter copias dos documentos contidos nel na Área Provincial da Axencia Turismo de Galicia de Pontevedra.

Pontevedra, 26 de abril de 2019

O/a xefe/a da Área Provincial de Turismo de Pontevedra
P.S. (Resolución do 29.3.2019)
María José Echevarría Moreno
Xefa territorial de Pontevedra da Consellería de Cultura e Turismo

ANEXO

Establecemento: Carlus.

Signatura: V-PO-000479.

Razón social: María Victoria Fortes García.

Enderezo: Loureiro Crespo, 73.

Concello: Pontevedra.

Establecemento: José Ramos.

Signatura: V-PO-002733.

Razón social: José Ramos Rodríguez.

Enderezo: Vilatuxe, s/n.

Concello: Lalín.