Convenio urbanístico de execución de planeamento que se subscribirá entre o Concello de Vigo e a mercantil Alvariño Inversiones, S.L. para a realización de obra de urbanización (prolongación da rúa) na rúa Barxa do Covelo (conexión da rúa Barxa do Covelo coa rúa do Gandarón) (expte. 325/403).
A Xunta de Goberno Local do Concello de Vigo, na sesión ordinaria do 22 de marzo de 2019, acordou:
«Primeiro. Aprobar o texto inicial (achégase como anexo) do convenio urbanístico de execución do planeamento que se subscribirá entre o Concello de Vigo e a mercantil Alvariño Inversiones, S.L. para a realización de obra de urbanización (prolongación da rúa) na rúa Barxa do Covelo (conexión da rúa Barxa do Covelo coa rúa do Gandarón), en que o Concello de Vigo achegará -tras a súa recepción- o importe máximo de 150.000 euros con cargo ao seu orzamento de 2020.
Segunda. Notificar este acordo á mercantil Inversiones Alvariño, S.L. co obxecto de que no prazo dos quince días seguintes ao da súa notificación compareza na Xerencia Municipal de Urbanismo para a sinatura do texto inicial aprobado. Transcorrido este prazo sen que o convenio sexa asinado, quedará sen efecto.
Terceiro. Facultar a concelleira delegada de Urbanismo e vicepresidenta da Xerencia Municipal de Urbanismo para a sinatura do convenio; da súa subscrición darase conta individualizada ao Consello da Xerencia Municipal de Urbanismo e á Xunta de Goberno Local.
Cuarto. Unha vez asinado o convenio, someterase ao trámite de información pública, mediante anuncio publicado no Diario Oficial de Galicia e nun dos xornais de maior difusión da provincia, por un período dun mes. O anuncio indicará o lugar ou punto de acceso electrónico a un enderezo en que se poida consultar o seu contido íntegro e no anuncio constará a identidade das partes.
Quinto. Tras a información pública, de non se presentaren alegacións, o texto inicial aprobado e o documento administrativo asinado entenderase definitivo sen necesidade de nova sinatura nin da súa ratificación pola Xunta de Goberno Local, e esta aprobación e a formalización acadada producirán plenos efectos xurídicos. Calquera das partes poderá solicitar a elevación do documento administrativo a escritura pública. O texto íntegro do convenio publicarase no Diario Oficial de Galicia, anotarase no Rexistro de Convenios e remitirase copia ao Arquivo de Convenios».
Durante o período de información pública, o expediente estará á disposición do público en xeral na páxina web do Concello de Vigo http://hoxe.vigo.org/movemonos/urbanismo_infra.php?lang=gal#/, no Portal de transparencia, así como no Departamento Municipal de Urbanización e Infraestruturas da Xerencia de Urbanismo (sito na planta segunda do Edificio da Xerencia de Urbanismo, na praza do Rei, s/n), das 9.00 ás 13.30 horas, para a súa consulta e a presentación de cantos documentos ou escritos de alegacións xulguen convenientes.
Vigo, 12 de abril de 2019
O presidente da Xerencia Municipal de Urbanismo
P.D. (Resolución do 6.7.2015)
María José Caride Estévez
Vicepresidenta da Xerencia Municipal de Urbanismo