Intentada a notificación da resolución ditada polo xefe territorial da Consellería de Economía, Emprego e Industria de Ourense pola que se acorda a resolución do expediente sancionador arriba referenciado, e non sendo posible a súa práctica, por medio desta cédula, e segundo o disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, efectúase a notificación por medio de anuncio no Boletín Oficial del Estado (BOE), e a súa eficacia queda condicionada á publicación no taboleiro de edictos único (TEU) do Boletín Oficial del Estado (BOE).

Así mesmo, fáiselles saber que a dita resolución non pon fin á vía administrativa e que, contra ela cabe formular recurso ante os órganos xurisdicionais da orde social, logo de reclamación ante esta xefatura territorial, dentro do prazo dos trinta (30) días hábiles seguintes ao da publicación deste anuncio no Boletín Oficial del Estado (BOE), conforme o previsto no artigo 71 da Lei 36/2011, do 10 de outubro, reguladora da xurisdición social.

Sen prexuízo do anterior, e en virtude do disposto nos artigos 44 e 46 da Lei 39/2015, do 1 de outubro, este anuncio publícase no Diario Oficial de Galicia .

As persoas interesadas, durante este prazo, poderanse presentar ante a oficina de emprego Ourense-Centro, situada na rúa Progreso, 11, baixo, de Ourense, das 9.00 ás 14.00 horas, de luns a venres, para os efectos de coñeceren integramente o contido da resolución ditada polo xefe territorial.

Advírteselles ás persoas interesadas que, de non formularen recurso en tempo e forma, a resolución adquirirá firmeza.

Ourense, 8 de abril de 2019

Santiago Álvarez González
Xefe territorial de Ourense

ANEXO

Persoa interesada	Nº de expediente	Preceptos infrinxidos	Preceptos sancionadores	Proposta de sanción
53773423K	53773423K/ 30/01/2019/2.1.E	Artigo 24.4.b)	Artigo 47.1.a)	Perda dun mes da prestación/subsidio por desemprego.
49679831S	49679831S/ 02/01/2019/2.1.E	Artigo 24.4.b)	Artigo 47.1.a)	Perda dun mes da prestación/subsidio por desemprego.