Eu, Marina Pilar García de Evan, letrada da Administración de xustiza do Xulgado do Social número 2 de Santiago de Compostela, fago saber que no procedemento de execución de títulos xudiciais 56/2019 deste xulgado do social, seguido por instancia de José Manuel Torres Grela contra a empresa Fidel Derivados Cárnicos, S.L., Campiñas de Laíño, S.A., Hipescar, S.L., Refojo y González, S.L., sobre despedimento, se ditou a seguinte resolución, cuxa parte dispositiva se xunta:
Parte dispositiva:
Dispoño: despachar orde xeral de execución do título indicado a favor do executante José Manuel Torres Grela fronte a Fidel Derivados Cárnicos, S.L., Campiñas de Laíño, S.A., Hipescar, S.L., Refojo e González, S.L., parte executada.
Notifíqueselles ás partes, facéndolles saber que, en aplicación do mandato contido no artigo 53.2 da LXS, no primeiro escrito ou comparecencia ante o órgano xudicial as partes ou interesados e, de ser o caso, os profesionais designados sinalarán un domicilio e datos completos para a práctica de actos de comunicación. O domicilio e os datos de localización facilitados con tal fin producirán plenos efectos e as notificacións neles tentadas sen efecto serán válidas mentres non sexan facilitados outros datos alternativos, e será carga procesual das partes e dos seus representantes mantelos actualizados. Así mesmo, deberán comunicar os cambios relativos ao seu número de teléfono, fax, enderezo electrónico ou similares, sempre que estes últimos estean a ser utilizados como instrumentos de comunicación co tribunal.
Modo de impugnación: mediante recurso de reposición, que se interporá no prazo de tres días hábiles seguintes á súa notificación, con expresión da/s infracción/s cometida/s na resolución, cumprimento ou incumprimento de presupostos e requisitos procesuais exixidos e/ou oposición á execución despachada nos termos previstos no artigo 239.4 da Lei reguladora da xurisdición social, sen que a interposición do recurso teña efectos suspensivos con respecto á resolución impugnada.
Así o acorda e asina a maxistrada xuíza. Dou fe.
A maxistrada xuíza. A letrada da Administración de xustiza.
Cítese igualmente a Hipescar, S.L. para realizar a comparecencia, que terá lugar o próximo día 17 de xuño de 2019 , ás 10.45 horas, na sala de vista deste xulgado, sito na rúa Berlín, s/n.
E para que lle sirva de notificación e citación en legal forma a Hipescar, S.L., en ignorado paradoiro, expido este edicto para a súa inserción no DOG.
Advírteselle á destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que sexan auto ou sentenza, ou cando se trate de emprazamento.
Santiago de Compostela, 16 de abril de 2019
A letrada da Administración de xustiza