Na sesión celebrada polo Xurado Provincial o día 27.3.2019 figura o seguinte acordo:

«Monte Xartego, do Medio, Cerro, Guimarei, Outeiro e Toire (expediente 26/83), pertencente aos veciños da parroquia de Santa María de Muxa, do termo municipal de Lugo. O 27.8.2018 recíbese copia autenticada de sentenza firme ditada polo Xulgado de Primeira Instancia número 4 de Lugo, do 25.5.2015, ditada no procedemento ordinario 869/2014, na cal, estimando a demanda presentada declárase: “[...] a favor de José Manuel Fernández Méndez a titularidade da propiedade do predio denominado Deveselas, sito na parroquia de Santa María de Muxa, termo municipal de Lugo, actual parcela 185 do polígono 408, con referencia catastral 27900A408001850000HY e unha superficie de 6.346 m² [...]”.

Dado traslado da documentación ao Servizo de Montes, o 1.2.2019 emítese un informe (núm. 72/18) especificando as modificacións resultantes, nos termos que no dito informe se describen, co que o monte Xartego, do Medio, Cerro, Guimarei, Outeiro e Toire quedan cunha superficie de 49,92 hectáreas. Achégase esbozo da situación actual do monte veciñal afectado. Examinada a devandita sentenza, o Xurado, por unanimidade, acorda dar cumprimento ao establecido nela e proceder ás correccións oportunas, coa incorporación do esbozo referido ao expediente de clasificación».

Ao descoñecerse o nome e enderezo dos posibles titulares de dereitos e intereses sobre o referido monte, por medio do presente anuncio, de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, comunícase o devandito acordo.

Este anuncio publicarase no Diario Oficial de Galicia, se ben a eficacia do acto notificado quedará supeditada até a súa publicación no BOE.

Lugo, 23 de abril de 2019

Mª Olga Iglesias Fontal
Presidenta do Xurado Provincial de Clasificación de Montes
Veciñais en Man Común de Lugo