Para os efectos previstos na normativa da Unión Europea reguladora dos fondos europeos en relación coa obriga de información e publicidade das actuacións cofinanciadas polos ditos fondos, artigos 8 e 9 do Regulamento (CE) núm. 1828/2006 da Comisión do 8 de decembro de 2006, cómpre dar publicidade á actuación contratada, de acordo co disposto no texto refundido da Lei de contratos do sector público, aprobado polo Real decreto lexislativo 3/2011, do 14 de novembro (TRLCSP), no exercicio 2018 que a continuación se indica por razón do seu cofinanciamento pola Unión Europea:
1. Entidade adxudicadora.
Entidade: Augas de Galicia, entidade pública adscrita á Consellería de Infraestruturas e Mobilidade da Xunta de Galicia.
Actividade principal exercida: infraestruturas e servizos hidráulicos.
Enderezo de internet: http://augasdegalicia.xunta.gal/
Perfil de contratante: http://www.contratosdegalicia.gal/consultaOrganismo.jsp?N=216. Tamén se terá acceso ao perfil de contratante desde a Plataforma de contratos públicos de Galicia a través de http://www.xunta.gal e https://sede.xunta.gal, o Portal de transparencia de Galicia na web https://transparencia.xunta.gal, a Plataforma de contratación do sector público https://contrataciondelestado.es por medio de enlaces de interese ás plataformas de contratación das comunidades autónomas e na páxina web http://augasdegalicia.xunta.gal/ .
Dependencia que tramita o expediente: contratación.
Tipo de contrato: servizo.
Tramitación: ordinaria e non suxeita a regulación harmonizada.
Procedemento de adxudicación: negociado sen publicidade (artigos 174.e) e 177.2 do TRLCSP).
2. Obxecto do contrato.
Título: servizo para a redacción do proxecto construtivo da obra hidráulica de melloras nas liñas de tratamento da estación depuradora de augas residuais de Viveiro. Viveiro (Lugo).
Clave do expediente: OH.327.673.
CPV (referencia de nomenclatura): 71311100-2.
Orzamento base de licitación: importe neto: 53.019,20 euros. Importe total: 64.153,23 euros.
Valor estimado do contrato: coincide co importe neto do orzamento base de licitación.
Prazo de execución: 5 meses.
Data da adxudicación: 30.4.2018.
Importe de adxudicación: importe neto: 33.400,00 euros. Importe total: 40.414,00 euros.
Empresa contratista: Idom Consulting Engeneering Architecture, S.A.U.
Vantaxes da proposición do adxudicatario: oferta economicamente máis vantaxosa por obter a maior puntuación total con base na aplicación dos criterios de adxudicación obxectivos, avaliables de xeito automático, establecidos no prego de cláusulas administrativas particulares, que determinaron a selección da súa oferta con preferencia ás dos restantes licitadores admitidos no procedemento de adxudicación.
Publicidade da adxudicación no perfil de contratante: 30.4.2018.
Data da formalización do contrato: 7.5.2018.
Publicidade da formalización do contrato no perfil de contratante: 9.5.2018.
3. Información sobre o cofinanciamento do contrato con fondos da Unión Europea.
A actuación referida no punto 2 anterior cofinánciase pola Unión Europea a través do Fondo Europeo de Desenvolvemento Rexional (Feder) nun oitenta por cento (80 %) do gasto elixible no marco do programa operativo Feder Galicia 2014-2020.
Esta actuación enmárcase dentro do programa operativo no obxectivo temático 6: «conservar e protexer o ambiente e promover a eficiencia dos recursos»; prioridade de investimento 6.2: «O investimento no sector da auga para cumprir os requisitos do acervo da Unión en materia de ambiente e para dar resposta ás necesidades, identificadas polos Estados membros, dun investimento que vai máis alá dos ditos requisitos»; obxectivo específico 6.2.1: «culminar os requisitos da Directiva marco da auga a través do investimento en infraestruturas de saneamento, depuración e reutilización de augas residuais, e mellora da calidade da auga»; actuación 6.2.1.2 (segundo o documento Criterios e procedementos de selección de operacións (CPSO): «reforma e optimización dos sistemas de saneamento das rías galegas»; operación: «mellora dos sistemas de saneamento e depuración na ría de Viveiro». Unha maneira de facer Europa.
Santiago de Compostela, 17 de abril de 2019
A presidenta de Augas de Galicia
P.D. (Resolución do 30.1.2012; DOG núm. 21, do 31 de xaneiro)
Teresa María Gutiérrez López
Directora de Augas de Galicia