No Boletín Oficial da provincia da Coruña núm. 57, do 25 de marzo, e no núm. 59, do 27 de marzo de 2019, publicáronse as bases aprobadas mediante resolucións da concelleira delegada de Facenda e Administración, por delegación da Xunta de Goberno Local, do 12 de marzo e 15 de marzo de 2019, referente ás convocatorias para prover os seguintes postos de traballo polo sistema de concurso específico:
1 posto de xefe/a do Servizo de Xustiza Social do Concello da Coruña, funcionaria/o de carreira do subgrupo A1, escala de Administración xeral ou especial.
1 posto de xefe/a do Servizo de Educación do Concello da Coruña, funcionaria/o de carreira do subgrupo A1, escala de Administración xeral ou especial.
1 posto de xefe/a do Servizo de Cultura do Concello da Coruña, funcionaria/o de carreira do subgrupo A1, escala de Administración xeral ou especial.
1 posto de xefe/a do Servizo de Participación Cidadá e Innovación do Concello da Coruña, funcionaria/o de carreira do subgrupo A1, escala de Administración xeral ou especial.
O prazo de presentación de instancias será de quince (15) días hábiles, contados desde o día seguinte ao da publicación do anuncio da convocatoria no Diario Oficial de Galicia.
Estas convocatorias e a súas resolucións publicaranse nos boletíns oficiais correspondentes.
A Coruña, 15 de abril de 2019
O alcalde
P.D. (Decreto do 15.6.2016)
Eduardo Mera Rico
Director de Economía, Facenda e Administración