De acordo co disposto no artigo 67 do Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde, en virtude das competencias atribuídas polo Decreto 43/2013, do 21 de febreiro (DOG núm. 47, do 7 de marzo), polo que se establece a estrutura orgánica dos servizos centrais do Servizo Galego de Saúde, modificado polo Decreto 111/2013, do 4 de xullo (DOG núm.  140, do 24 de xullo), e na Orde do 5 de xullo de 2012 (DOG núm. 139, do 20 de xullo) sobre delegación de competencias en órganos centrais e periféricos do Servizo Galego de Saúde, o Decreto 168/2010, do 7 de outubro (DOG núm. 199, do 15 de outubro), polo que se regula a estrutura organizativa de xestión integrada do Servizo Galego de Saúde, e a Orde do 12 de abril de 2013 (DOG núm. 76, do 19 de abril) pola que se desenvolve a estrutura organizativa de xestión integrada das áreas de Lugo, Cervo e Monforte de Lemos, e mediante o procedemento de concurso de méritos a que se aplicará o baremo recollido no parágrafo 2.2 da Resolución do 11 de decembro de 2018 (DOG nº 240, do 18 de decembro de 2018), da Dirección Xeral de Recursos Humanos pola que se publica o pacto subscrito pola Administración sanitaria coas organizacións sindicais CIG, CESM-O´MEGA, CC.OO., UGT e CSIF sobre a selección de persoal estatutario temporal licenciado sanitario de atención hospitalaria, esta xerencia

DISPÓN:

Primeiro. Anunciar a convocatoria para cubrir, mediante vinculación temporal, por concurso de méritos, diversas prazas de facultativo/a especialista de área.

Segundo. As bases íntegras da convocatoria estarán expostas no taboleiro de anuncios do Hospital Universitario Lucus Augusti (Oficina de Atención ao Traballador), no do Hospital da Mariña, no do Hospital Comarcal de Monforte, na intranet da EOXI de Lugo, Cervo e Monforte de Lemos, así como na páxina web do Servizo Galego de Saúde (www.sergas.es).

Terceiro. As solicitudes para participar na presente convocatoria, xunto coa documentación a que se refiren as bases, presentaranse preferentemente, dirixidas ao xerente de Xestión Integrada, no Rexistro de Entrada do Hospital Universitario Lucus Augusti de Lugo, sito na rúa Dr. Ulises Romero, nº 1, 27003 Lugo, no Rexistro de Entrada do Hospital da Mariña, sito na rúa Rafael Vior, s/n, 27780 Burela (Lugo), ou no Rexistro de Entrada do Hospital Comarcal de Monforte, sito na rúa Corredoira, s/n, 27400 Monforte de Lemos (Lugo), podendo presentarse tamén a través de calquera dos procedementos do artigo 16 da Lei 39/2015, do 1 de outubro, do procedemento administrativo común das administracións públicas, no prazo de quince (15) días hábiles contados a partir do día seguinte ao da publicación deste anuncio no Diario Oficial de Galicia.

Lugo, 8 de abril de 2019

Ramón Ares Rico
Xerente de Xestión Integrada de Lugo, Cervo e Monforte de Lemos