De conformidade co previsto no artigo 8.4 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, dáse publicidade a un encargo de xestión para o exercicio 2019, da Fundación Cidade da Cultura de Galicia á Empresa Pública de Servizos Agrarios Galegos, S.A. (Seaga), coas seguintes características:

Actividade: realización das obras de construción do denominado Camiño da balea na crista do monte Gaiás, a continuación da extensión norte da praza central (o chamado Parque da Balea).

Natureza e alcance da xestión: este encargo ten natureza intrasubxectiva, ao ter Seaga a consideración de medio propio da Administración da Comunidade Autónoma de Galicia, segundo o disposto nos artigos 47 e 48 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.

Prazo de vixencia: o prazo de execución será de dous meses desde o inicio dos traballos.

Santiago de Compostela, 18 de marzo de 2019

Ana Isabel Vázquez Reboredo
Directora xerente da Fundación Cidade da Cultura de Galicia