A ser preciso o cumprimento da obriga de xestión de biomasa vexetal e de retirada de árbores das especies sinaladas na disposición adicional terceira da Lei 3/2007, do 9 de abril, de prevención e defensa contra os incendios forestais de Galicia, de conformidade co disposto no artigo 136 da Lei 2/2016, do 10 de febreiro, do solo de Galicia, e no 82 da Lei 39/2015, do 1 de outubro, do procedemento administrativo común das administracións públicas, e constando como descoñecidos os propietarios das parcelas a continuación descritas, dáselles audiencia aos titulares por un prazo de quince (15) días, para os efectos de que poidan alegar e presentar os documentos e as xustificacións que xulguen pertinentes, publícase este anuncio no Diario Oficial de Galicia e no Boletín Oficial del Estado e a eficacia do acto notificado queda supeditada á súa publicación no BOE.
As persoas interesadas poden coñecer o contido íntegro do acto que se notifica e do correspondente expediente no prazo de quince (15) días, contados a partir do seguinte ao da publicación deste anuncio no BOE. A comparecencia realizarase nas dependencias municipais, sitas na praza do Concello, s/n, 27720 A Pontenova (Lugo), das 9.00 ás 14.00 horas, de luns a venres.
Referencia catastral |
Localización da parcela |
27048A006000940000HE |
Políg. 6, parcela 94. Souto (A Pontenova) |
27048A016003560000HQ |
Políg. 16, parcela 356. Cerrón do Castelo (A Pontenova) |
27048A016003040000HD |
Políg. 16, parcela 304. Cerrón do Marino (A Pontenova) |
27048A016005340000HE |
Políg. 16, parcela 534. As Valiñas (A Pontenova) |
A Pontenova, 25 de marzo de 2019
Darío Campos Conde
Alcalde