Eu, Rosario Cantalejo García, letrada da Administración de xustiza do Xulgado de Primeira Instancia número 9 de Vigo, dou fe de que no xuízo verbal 954/2016 se ditou sentenza cuxo encabezamento e resolución son do teor literal seguinte:
«Sentenza.
Vigo, 18 de xaneiro de 2019.
Vistos por min, Miguel Melero Tejerina, maxistrado xuíz do Xulgado de Primeira Instancia número 9 de Vigo, os presentes autos de xuízo verbal seguidos por instancia de José Luis Rey Figueroa e José Luis Rey Lago, representados pola procuradora María Jesús Nogueira Fos e asistidos polo letrado Carlos Jacinto Rial Suárez; contra Allianz Compañía de Seguros e Reaseguros, S.A., representada pola procuradora María del Carmen Molist García e asistida polo letrado José Manuel Pérez Caamaño, e contra Emilio Rodríguez González, en rebeldía procesual.
Seguen antecedentes de feito e fundamentos xurídicos.
Resolución: estimo integramente as pretensións da parte demandante e condeno a Emilio Rodríguez González e a Allianz Compañía de Seguros e Reaseguros, S.A. a pagar a José Luis Rey Lago a suma de 1.920 euros e a José Luis Rey Figueroa a suma de 502,07 euros, máis os xuros do artigo 20 da Lei de contrato de seguro desde a data do sinistro (25.8.2016) a cargo da compañía aseguradora; con expresa condena en custas dos demandados.
Contra esta sentenza non cabe recurso ningún.
Así, por esta a miña sentenza, pronúncioo, mándoo e asínoo. O maxistrado xuíz».
Para que conste e sirva de notificación a Emilio Rodríguez González, por descoñecerse o seu domicilio actual, expido este edicto.
Vigo, 12 de febreiro de 2019
A letrada da Administración de xustiza