En cumprimento do disposto no artigo 13 do Real decreto 416/2015, do 29 de maio, sobre depósito de estatutos das organizacións sindicais e empresariais, e para os efectos previstos nel, faise público que na correspondente oficina pública de depósito de estatutos de asociacións sindicais e empresariais acordouse depositar, con data 25.2.2019, os estatutos da Confederación Empresarial de Hostelería y Turismo de Galicia.

Ámbito territorial: Comunidade Autónoma de Galicia.

Ámbito profesional: poderán pertencer á confederación todas aquelas asociacións, federacións ou calquera outra organización dedicadas a actividades dentro do sector de hostalaría e hospedaxe e turismo.

Asinan a acta de constitución: Ovidio Fernández Ojea, Daniel Martínez Pérez e José Pérez Seara.

Santiago de Compostela, 12 de marzo de 2019

Covadonga Toca Carús
Secretaria xeral de Emprego