Na Sala do Contencioso-Administrativo, Sección Primeira, do Tribunal Superior de Xustiza de Galicia tramítase o recurso 67/2019 IN (procedemento ordinario), interposto pola Confederación Intersindical Galega (CIG), o Sindicato Nacional de Comisións Obreiras de Galicia (CC.OO.) e a Unión General de Trabajadores (FeSP-UGT) contra o Decreto 162/2018, do 13 de decembro, polo que se aproba a oferta de emprego público para o ano 2018 do persoal sanitario funcionario ao servizo da Comunidade Autónoma, incluído no ámbito de aplicación da Lei 17/1989, do 23 de outubro, de creación de escalas de persoal sanitario ao servizo da Comunidade Autónoma (DOG núm. 239, do 17 de decembro).
O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 7 de marzo de 2019
Margarita Prado Vaamonde
Directora xeral de Recursos Humanos