Eu, María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago saber que no procedemento de seguridade social 463/2016 deste Xulgado do Social, seguido por instancia de Juan Jesús Valiño Bascoy contra a empresa Forjas de Santiago, S.L.; Salustiano Velo Sabín, Maroño y Seoane, S.L., o Fondo de Garantía Salarial (Fogasa), a TXSS e o INSS, sobre seguridade social, se ditou a seguinte resolución, cuxa parte dispositiva se achega:

«Resolvo:

Aceptar a demanda formulada pola parte demandante fronte ao Instituto Nacional da Seguridade Social, a Tesouraría Xeral da Seguridade Social e Forjas de Santiago, S.L. e, en consecuencia, declarar o dereito da parte demandante á percepción da pensión de xubilación calculada cunha porcentaxe do 100 % sobre a base reguladora de 1.705,90 euros. É responsable do seu pagamento o INSS, a TGSS nun 92 % e Forjas de Santiago, S.L. nun 8 %, e condeno as demandadas a estar e pasar pola devandita declaración e a que lle aboen a totalidade da pensión, con efectos do 27 de febreiro de 2016; ao INSS a anticipar as devanditas prestacións co límite do artigo 126.3 da LXSS e a Forjas de Santiago, S.L. a responder proporcionalmente ao incumprimento en materia de cotización e a que deposite ante a TXSS o capital-custo da diferenza da pensión, todo iso coa responsabilidade subsidiaria da TXSS e sen prexuízo de accións de repetición.

Rexeitar a demanda formulada pola parte demandante fronte a Maroño y Seoane, S.L., con absolución das codemandadas.

Notifíqueselles ás partes a presente resolución facéndolles saber que fronte a ela cabe recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes ao da notificación desta resolución. Abonda a manifestación da parte ou do seu avogado, graduado social colexiado ou representante dentro do indicado prazo.

Así o acorda, manda e asina Elena Calleja Curros, maxistrada de reforzo deste xulgado».

E para que lles sirva de notificación en legal forma a Forjas de Santiago, S.L. e a Maroño y Seoane, S.L., en paradoiro ignorado, expido o presente edicto para a súa inserción no Diario Oficial de Galicia e no taboleiro de anuncios deste xulgado.

Advírtense os destinatarios de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.

Santiago de Compostela, 11 de marzo de 2019

A letrada da Administración de xustiza