No Xulgado do Contencioso-Administrativo número 2 de Santiago de Compostela, tramítase o recurso 78/2019 (procedemento abreviado), interposto por Andrés Soto-Jove Bernaldo de Quirós fronte á Resolución do 8 de xaneiro de 2019, da directora xeral de Recursos Humanos, pola que se desestima o recurso de reposición interposto fronte á Resolución do 27 de setembro de 2018, da Dirección Xeral de Recursos Humanos, pola que se resolve, con carácter definitivo, o ciclo de adxudicación correspondente ao ano 2018 do concurso de traslados aberto e permanente para a provisión de prazas básicas de persoal estatutario licenciado sanitario de atención primaria (DOG núm. 191, do 5 de outubro) (categoría: médico/a de familia).

O recorrente non está de acordo coa puntuación obtida na epígrafe de experiencia profesional.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 5 de marzo de 2019

Margarita Prado Vaamonde
Directora xeral de Recursos Humanos