A Lei 9/2007, do 13 de xuño, de subvencións de Galicia, dispón no seu artigo 15.1, relativo á publicidade das subvencións concedidas, que os órganos administrativos concedentes publicarán no Diario Oficial de Galicia as subvencións concedidas con expresión da convocatoria, o programa e crédito orzamentario a que se imputen, o beneficiario, a contía concedida e a finalidade ou finalidades da subvención.

O artigo 23.6 da Orde da Consellería de Economía, Emprego e Industria do 4 de maio de 2018 (DOG núm. 97, do 23 de maio de 2018) pola que se estableceron as bases reguladoras e se procedeu á convocatoria pública das axudas e subvencións para os obradoiros de emprego dirixidos a persoas mozas incluídas no ficheiro do Sistema nacional de garantía xuvenil, no ámbito da Comunidade Autónoma de Galicia para o ano 2018 (código de procedemento TR353B), establece que as subvencións concedidas se publicarán, con expresión da entidade beneficiaria, a contía e a finalidade, no Diario Oficial de Galicia, de acordo co disposto na Lei 9/2007, do 13 de xuño, de subvencións de Galicia, e na Lei 1/2016, do 18 de xaneiro, de transparencia e bo goberno.

A convocatoria tiña como finalidade establecer as bases reguladoras e a convocatoria pública das axudas e subvencións do ano 2018 para o fomento do emprego a través dos programas mixtos de emprego e formación (obradoiros de emprego), dirixidos a mellorar a ocupabilidade, a cualificación e a inserción profesional das persoas mozas incluídas no ficheiro do Sistema nacional de garantía xuvenil, no ámbito da Comunidade Autónoma de Galicia.

O financiamento das axudas previstas na orde de convocatoria efectuouse con cargo aos créditos da aplicación 09.41.322A.460.2 (código de proxecto 2018 00017), estando cofinanciadas nunha porcentaxe do 91,89 % pola Unión Europea a través do Fondo Social Europeo, mediante a Iniciativa de emprego xuvenil, Programa operativo de emprego xuvenil 2014-2020, eixe prioritario 5, prioridade de investimento 8.2, obxectivo específico 8.2.2, medida 8.2.2.5.

En consecuencia,

RESOLVO:

Ordenar a publicación no Diario Oficial de Galicia das subvencións concedidas para os obradoiros de emprego dirixidos a persoas mozas incluídas no ficheiro do Sistema nacional de garantía xuvenil, no ámbito da Comunidade Autónoma de Galicia, ao abeiro da Orde do 4 de maio de 2018 (DOG núm. 97, do 23 de maio), segundo o anexo desta resolución.

Santiago de Compostela, 14 de marzo de 2019

José Alfonso Marnotes González
Director xeral de Orientación e Promoción Laboral

ANEXO

Expediente	Entidade beneficiaria	Concedido 2018	Concedido 2019
15/00031/18	Concello das Pontes de García Rodríguez	57.848,40	57.848,40
15/00034/18	Concello de Boiro	77.131,20	77.131,20
15/00036/18	Concello de Carballo	57.848,40	57.848,40
15/00037/18	Concello de Ferrol	77.131,20	77.131,20
15/00038/18	Concello de Betanzos	77.131,20	77.131,20
15/00039/18	Concello de Fene	77.131,20	77.131,20
15/00042/18	Concello de Santa Comba	77.131,20	77.131,20
15/00043/18	Concello de Santiago de Compostela	77.131,20	77.131,20
15/00044/18	Concello de Rois	48.207,00	48.207,00
15/00046/18	Concello de Rianxo	77.131,20	77.131,20
27/00019/18	Concello de Ribadeo	77.131,20	77.131,20
27/00020/18	Concello de Lugo	77.131,20	77.131,20
32/00021/18	Concello de Ribadavia	77.131,20	77.131,20
32/00022/18	Mancomunidade Voluntaria de Concellos da Comarca de Ourense	77.131,20	77.131,20
32/00023/18	Mancomunidade de Municipios da Comarca de Verín	72.310,50	72.310,50
36/00023/18	Concello de Vilagarcía de Arousa	77.131,20	77.131,20
36/00024/18	Concello de Cambados	77.131,20	77.131,20
36/00025/18	Concello de Vigo	72.310,50	72.310,50
36/00026/18	Concello de Moaña (Padroado Municipal Beiramar)	77.131,20	77.131,20
36/00027/18	Concello de Redondela	77.131,20	77.131,20
36/00031/18	Mancomunidade Área Intermunicipal de Vigo	77.131,20	77.131,20
36/00032/18	Concello de Mos	77.131,20	77.131,20
36/00033/18	Concello do Porriño	77.131,20	77.131,20