No Xulgado do Contencioso-Administrativo número 2 de Santiago de Compostela tramítase o recurso 34/2019 (procedemento abreviado), interposto por Gabriel Adolfo Martínez Capoccioni fronte á Resolución do 11 de decembro de 2018, da Dirección Xeral de Recursos Humanos, pola que se publica o pacto subscrito pola Administración sanitaria coas organizacións sindicais CIG, CESM-O´MEGA, CC.OO., UGT e CSIF sobre a selección de persoal estatutario temporal licenciado sanitario de atención hospitalaria (categoría: facultativo especialista en Otorrinolaringoloxía) (DOG núm. 240, do 18 de setembro).

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 21 de febreiro de 2019

Margarita Prado Vaamonde
Directora xeral de Recursos Humanos