Eu, María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago saber que no procedemento de execución de títulos xudiciais 235/2018 deste xulgado do social, seguido por instancia de Óscar Seoane Fernández contra Nogasa Servicios y Obras, S.A., Escribanos del Gordon, S.L. e Fogasa, se ditou a seguinte resolución, cuxa parte dispositiva é do teor literal seguinte:
«Decreto.
Letrada da Administración de xustiza: María Teresa Vázquez Abades.
Santiago de Compostela, 11 de febreiro de 2019.
Parte dispositiva.
Acordo:
a) Declarar as executadas Nogasa Servicios y Obras, S.A. e Escribanos del Gordon, S.L. en situación de insolvencia total por importe de 4.601,17 euros en concepto de principal (3.832,56 euros en concepto de salarios, paga extraordinaria de Nadal, paga extra, vacacións e 768,61 euros en concepto de xuros do artigo 29.3 do ET respecto da cantidade anterior), máis outros 460,11 euros que se fixan provisionalmente en concepto de xuros que, de ser o caso, se poidan devindicar durante a execución e as custas desta, sen prexuízo da súa posterior liquidación, insolvencia que se entenderá para todos os efectos como provisional.
b) Arquivar as actuacións logo de anotación no libro correspondente, sen prexuízo de reabrir a execución se en diante se coñecen novos bens das executadas.
c) Unha vez que sexa firme a presente resolución, inscríbase no rexistro correspondente.
d) Expedir os testemuños das resolucións procedentes, que se entregarán á parte ejecutante na oficina xudicial deste xulgado.
Modo de impugnación: contra a presente resolución cabe recurso directo de revisión, que se deberá interpor ante quen dita a resolución no prazo de tres días hábiles seguintes á súa notificación, con expresión da infracción cometida nela a xuízo do recorrente (artigo 188 da LXS).
A letrada da Administración de xustiza».
E para que lle sirva de notificación en legal forma a Nogasa Servizos e Obras, S.A. e Escribanos del Gordon, S.L., en ignorado paradoiro, expido o presente edicto para a súa inserción no Diario Oficial de Galicia.
Santiago de Compostela, 21 de febreiro de 2019
A letrada da Administración de xustiza
