En cumprimento do artigo 9.3 e 8.4 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, procédese a dar publicidade ao encargo a Tragsatec, ordenado por Resolución do conselleiro de Economía, Emprego e Industria do 15 de febreiro de 2019, para a realización de tarefas de apoio no estudo e avaliación de expedientes das axudas aos proxectos de investimento empresarial, convocatoria 2017, no marco do programa operativo Feder Galicia 2014-2020.

1. A actividade obxecto de encarga é a realización de tarefas de apoio no estudo e avaliación de expedientes das axudas aos proxectos de investimento empresarial, convocatoria 2017, no marco do programa operativo Feder Galicia 2014-2020.

2. Tragsatec cumpre cos requisitos establecidos nos artigos 6 e 32 da Lei 9/2017, do 8 de novembro, de contratos do sector público (en diante LCSP), por disposición expresa do establecido na disposición adicional vixésimo quinta do mesmo texto legal, tendo a consideración de medio propio instrumental das comunidades autónomas e poderes adxudicadores dela dependentes, como é o caso do Igape, e está obrigada a realizar, con carácter exclusivo, os traballos que estas lles encarguen na consecución dos seus obxectivos de interese público, nas materias sinaladas no número 2 da disposición adicional vixésimo cuarta da LCSP.

A relación de Tragsatec coa Consellería de Economía, Emprego e Industria-Igape ten natureza instrumental e non contractual, e é de carácter interno, independente e subordinado, tal como resulta do artigo 2 do Real decreto 1072/2010, do 20 de agosto, polo que se desenvolve o réxime xurídico da Empresa de Transformación Agraria, Sociedade Anónima e das súas filiais.

A Consellería de Economía, Emprego e Industria, a través do Igape, na súa condición de órgano competente e promotor das actuacións, exercerá en todo momento o control da execución do encargo, o cal non supón cesión de titularidade da competencia nin dos elementos substantivos do seu exercicio, sendo responsabilidade do órgano que ordena o encargo ditar os actos e resolucións que dean soporte ás tarefas materiais obxecto do encargo.

Tragsatec actuará no desenvolvemento das actuacións obxecto de encomenda en calidade de entidade colaboradora na xestión de axudas públicas do Igape, ao prestar apoio no estudo e avaliación de expedientes das axudas aos proxectos de investimento empresarial, convocatoria 2017, no marco do programa operativo Feder Galicia 2014-2020, nos termos regulados no artigo 9, 12 e concordantes da Lei 9/2007, de subvencións de Galicia, e sen que esta colaboración se estenda á entrega e distribución de fondos.

3. O prazo de execución dos traballos comezará coa orde de encargo dos traballos e estenderase por catro meses, podendo prorrogarse catro meses máis en caso de persistencia da necesidade da encarga.

Santiago de Compostela, 21 de febreiro de 2019

Juan M. Cividanes Roger
Director xeral do Instituto Galego de Promoción Económica