Eu, María Jesús Hernando Areas, letrada da Administración de xustiza do Xulgado do Social número 5 da Coruña, fago saber que no procedemento de despedimento/cesamentos en xeral 453/2018 deste xulgado do social, seguido por instancia de Sonia Rey Freire contra Ocho Treinta Casas y Unifamiliar, S.L., sobre despedimento, ditouse decreto, cuxa parte dispositiva di:

Apróbase a conciliación alcanzada entre as partes, nos seguintes termos:

A empresa recoñece a improcedencia do despedimento, con data de efectos do 20 de abril de 2018, e ofrece á traballadora a cantidade de 2.182,34 euros netos en concepto de indemnización. A dita cantidade aboarase por transferencia bancaria á conta en que a traballadora viña percibindo os seus salarios antes do día 28 de setembro.

A traballadora acepta a oferta empresarial en contía, prazo e forma de pagamento, e cando o perciba considerarase saldada e finalizada a relación laboral, sen máis nada que reclamar.

Eu, o letrado da Administración de xustiza, aprobo o acordo alcanzado polas partes, por entender que o convido entre elas non é constitutivo de lesión grave para ningunha delas, nin para terceiro, nin constitúe fraude de lei ou abuso de dereito nin é contrario ao interese público, polo que procede aprobar o acordo.

E para que sirva de notificación en legal forma a Ocho Treinta Casas y Unifamiliar, en ignorado paradoiro, expido este edicto para a súa inserción no Diario Oficial de Galicia.

A Coruña, 1 de febreiro de 2019

A letrada da Administración de xustiza