A representación da titularidade do centro privado (CPR) Las Acacias e do CPR Montecastelo, ambos de Vigo, solicita a súa fusión nun único centro coa denominación de CPR Plurilingüe Las Acacias-Montecastelo.
Logo da tramitación do expediente de acordo co establecido no Decreto 133/1995, do 10 de maio, de autorización de centros docentes privados para impartir ensinanzas de réxime xeral non universitarias, e coa Orde do 20 de setembro de 1995, que o desenvolve, por proposta da Dirección Xeral de Centros e Recursos Humanos,
DISPOÑO:
Artigo 1. Autorización
Autorizar o centro privado (CPR) Plurilingüe Las Acacias-Montecastelo como resultado da fusión nun único centro do CPR Las Acacias e do CPR Montecastelo. A configuración do novo centro é a que se detalla a seguir:
Denominación xenérica: centro privado (CPR) plurilingüe.
Denominación específica: Las Acacias-Montecastelo.
Código: 36025037.
Enderezo: rúa Doutor Paz Pardo, 84.
Localidade: Vigo.
Concello: Vigo.
Código postal: 36214.
Provincia: Pontevedra.
Titular: Fomento de Centros de Enseñanza, S.A.
Composición resultante:
Educación infantil: 9 unidades.
Educación primaria: 18 unidades.
Educación secundaria obrigatoria: 12 unidades.
Bacharelato: 8 unidades das modalidades de Ciencias, e de Humanidades e Ciencias Sociais.
Formación profesional:
a) Ciclos formativos de grao medio (CM), modalidade presencial:
1 CM Sistemas microinformáticos e redes (2 unidades, 30 alumnos/as cada unha).
1 CM Instalacións eléctricas e automáticas (2 unidades, 30 alumnos/as cada unha).
b) Ciclos formativos de grao superior (CS), modalidade presencial:
1 CS Automatización e robótica industrial (2 unidades, 30 alumnos/as cada unha).
1 CS Desenvolvemento de aplicacións multiplataforma (2 unidades, 30 alumnos/as cada unha).
1 CS Desenvolvemento de aplicacións web (2 unidades, 30 alumnos/as cada unha).
c) Ciclos formativos na modalidade semipresencial e/ou a distancia:
1 CS Desenvolvemento de aplicacións multiplataforma.
1 CS Desenvolvemento de aplicacións web.
Artigo 2. Extinción da autorización
Extinguir a autorización do CPR Plurilingüe Las Acacias (código 36011831) e o CPR Plurilingüe Montecastelo (código 36011191).
Artigo 3. Inscrición no rexistro de centros
Esta orde dará lugar á correspondente inscrición no Rexistro de Centros da Comunidade Autónoma de Galicia.
Artigo 4. Modificación da autorización
O novo centro queda obrigado ao cumprimento da normativa vixente e a solicitar a oportuna revisión da autorización cando deba modificarse calquera dos datos que sinala a presente orde.
Disposición derradeira
A presente orde terá efectos do día 1 de setembro de 2019.
Contra esta orde, que esgota a vía administrativa, as persoas interesadas poderán formular recurso potestativo de reposición ante esta consellería, no prazo de un mes, contado a partir do día seguinte ao da súa publicación no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben, directamente, recurso contencioso-administrativo no prazo de dous meses desde a mesma data, ante a Sala do Contencioso-Administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 5 de febreiro de 2019
Carmen Pomar Tojo
Conselleira de Educación, Universidade e Formación Profesional