En cumprimento do disposto no artigo 4 da Lei orgánica 11/1985, do 2 de agosto, de liberdade sindical, e para os efectos previstos nel, faise público que na correspondente oficina pública de depósito de estatutos de asociacións sindicais e empresariais, se acordou depositar, con data 15 de xaneiro de 2019, os estatutos do Sindicato de Empregados Públicos de Galicia (Sepga) de acordo co seguinte:

Ámbito territorial: Comunidade Autónoma de Galicia.

Ámbito profesional: poderán pertencer ao sindicato todos os empregados públicos que formen parte da Administración xeral da Comunidade Autónoma de Galicia e estean integrados no corpo facultativo superior ou no corpo superior, así como nas diferentes escalas ou subescalas que os conformen, sen discriminación de ningún tipo, logo de solicitude, unha vez sexan admitidos estatutariamente e acepten e se comprometan á observancia do contido destes estatutos.

Asinan a acta de constitución: María Gema Soto Pérez, Manuel Ángel Jiménez Vicente e Pablo Amenedo Bermúdez.

Santiago de Compostela, 25 de xaneiro de 2019

Covadonga Toca Carús
Secretaria xeral de Emprego