Para os efectos previstos no artigo 36 da Lei 21/2013, do 9 de decembro, de avaliación ambiental (BOE núm. 296, do 11 de decembro) faise público que, polo prazo de trinta (30) días hábiles, contados a partir do seguinte ao da publicación deste anuncio no Diario Oficial de Galicia, quedará exposto o documento titulado:
– Estudo de impacto ambiental de adecuación dunha parcela e explotación para actividade de depósito de restos agrícolas e forestais, materiais e terras inertes e elaboración de composta na Vacariza, Ferrol (A Coruña).
Para que calquera interesado poida consultalos e, de ser o caso, formular dentro do dito prazo as alegacións, suxestións ou observacións que xulgue convenientes, os documentos poderanse consultar en horario de atención ao público:
– Na Dirección Xeral de Calidade Ambiental e Cambio Climático, Servizo de Residuos (rúa San Lázaro, s/n, 15781 Santiago de Compostela).
– Na Xefatura Territorial da Consellería de Medio Ambiente, Territorio e Vivenda da Coruña (rúa Vicente Ferrer, 2, 15071 A Coruña).
– No Concello de Ferrol (praza de Armas, s/n, 15401 Ferrol).
As alegacións, suxestións ou observacións dirixiranse ao Servizo de Residuos.
Santiago de Compostela, 1 de febreiro de 2019
María Cruz Ferreira Costa
Directora xeral de Calidade Ambiental e Cambio Climático
ANEXO I
Memoria resumo
Titular: Francisco Javier Pérez Macías.
CIF: 32710076M.
Domicilio social: As Salgueiras, nº 17 A, 15596, Narón (A coruña).
Localización da instalación: Monte do Crego, A Vacariza, s/n, 15405, Ferrol (A Coruña).
Actividade: valorización de residuos non perigosos.
O proceso de valorización consistirá na compostaxe mediante pilas dinámicas volteadas e componse das seguintes etapas:
• Recepción e tratamento previo dos residuos: unha vez recibidos os residuos, procédese á selección manual para evitar a inclusión de materiais inadecuados e vanse depositando en pías para a súa trituración.
• Preparación: acondiciónanse e mestúranse os residuos de partida para regular o seu contido en auga, o tamaño de partículas e axustar os nutrientes para lograr unha relación C/N adecuada. Os residuos dispóñense en pías de 1,5 m de altura e o largo pode oscilar entre 1,5 e 3,0 m. O proceso de trituración e preparación terá unha duración de 1 a 7 días.
• Descomposición mesófila, a temperatura menor de 40 ºC, e descomposición termófila, a temperatura entre 40 e 60 ºC.
• Maduración: estabilización a temperatura ambiente. A fermentación, maduración e os volteos terán unha duración de 4 a 6 meses no verán e 7 a 9 meses no inverno.
• Afinación: nesta etapa mellórase a granulometría do fertilizante, regúlase a humidade, elimínase, se procede, o residuo non transformado, realízanse análises, controis de calidade e, de ser o caso, envasado e etiquetaxe. O proceso de afino terá unha duración dun mes.
