O artigo 19 da Orde do 4 de abril de 2018 pola que se establecen as bases reguladoras das axudas, en réxime de concorrencia competitiva, para actuacións encamiñadas á protección dos animais domésticos de compañía abandonados en Galicia e se convocan para o ano 2018 establece que de conformidade co establecido no artigo 17 da Lei 1/2016, do 18 de xaneiro, de transparencia e bo goberno, e co artigo 15 da Lei 9/2007, do 13 de xuño, de subvencións de Galicia, a consellería responsable da iniciativa publicará na súa páxina web oficial a relación das entidades beneficiarias e o importe das axudas concedidas nos termos previstos no artigo 17.1 da Lei 1/2016, do 18 de xaneiro, de transparencia e bo goberno.
Igualmente en cumprimento do disposto no artigo 15.1 da Lei 9/2007, do 13 de xuño, de subvencións de Galicia, os órganos administrativos concedentes publicarán no Diario Oficial de Galicia as subvencións concedidas con expresión da convocatoria, o programa e o crédito orzamentario ao que se imputen, beneficiario, cantidade concedida e finalidade ou finalidades da subvención.
En consecuencia,
RESOLVO:
Ordenar a publicación no Diario Oficial de Galicia das subvencións concedidas pola Consellería de Medio Ambiente, Territorio e Vivenda ao abeiro da Orde do 4 de abril de 2018 pola que se establecen as bases reguladoras das axudas, en réxime de concorrencia competitiva, para actuacións encamiñadas á protección dos animais domésticos de compañía abandonados en Galicia e se convocan axudas para o ano 2018 (DOG núm. 75, do 18 de abril), segundo o anexo desta resolución.
Santiago de Compostela, 15 de xaneiro de 2019
Belén María do Campo Piñeiro
Directora xeral de Patrimonio Natural
ANEXO
Norma reguladora: Orde do 4 de abril de 2018 pola que se establecen as bases reguladoras das axudas, en réxime de concorrencia competitiva, para actuacións encamiñadas á protección dos animais domésticos de compañía abandonados en Galicia e se convocan axudas para o ano 2018 (código de procedemento MT811A).
Crédito orzamentario: 100.000 euros.
Aplicación orzamentaria: 07.03.541B.460.0, dos orzamentos xerais da Comunidade Autónoma de Galicia para o ano 2018.
Finalidade: axudas para actuacións encamiñadas á atención e ao coidado dos animais domésticos de compañía que estean nos centros de recollida autorizados, e/ou formen parte das colonias felinas reguladas no artigo 26 da Lei 4/2017, do 3 de outubro, e relativas aos gastos derivados do acto clínico para a esterilización cirúrxica dos animais coa dobre finalidade de evitar a súa reprodución incontrolada e a promoción da súa adopción e as relativas aos gastos derivados do acto clínico para a identificación animal mediante a implantación do microchip, correspondente inscrición no Regiac e expedición do pasaporte sanitario.
Expediente, entidades beneficiarias, adxudicado:
Expediente |
Entidade beneficiaria |
Importe adxudicado |
MT811A/001/2018 |
Concello de Ourense |
19.619,97 € |
MT811A/002/2018 |
Concello de Ponteareas |
40,43 € |
MT811A/003/2018 |
Concello de Coirós |
3.804,61 € |
MT811A/005/2018 |
Concello de Pontevedra |
5.427,74 € |
MT811A/009/2018 |
Concello de Vilagarcía de Arousa |
20.808,04 € |
MT811A/010/2018 |
Concello de Ares |
50,46 € |
MT811A/011/2018 |
Concello de Lugo |
12.086,12 € |
MT811A/013/2018 |
Concello de Sanxenxo |
313,00 € |
MT811A/014/2018 |
Mancomunidade de Concellos da Comarca de Ferrol |
4.680,00 € |
MT811A/016/2018 |
Concello de Verín |
3.666,20 € |
MT811A/018/2018 |
Concello de Santiago de Compostela |
11.034,98 € |
MT811A/019/2018 |
Concello de Cambre |
808,45 € |
MT811A/020/2018 |
Deputación Provincial de Ourense |
17.660,00 € |