Por Resolución da Alcaldía núm. 4/2019, do 25 de xaneiro de 2019, aprobáronse as bases e a convocatoria para cubrir unha praza de axente de emprego e desenvolvemento local e unha praza de técnico/a de normalización lingüística para o Concello de Rois, mediante o sistema de concurso-oposición, no marco do proceso de consolidación de emprego temporal.
No Boletín Oficial da provincia da Coruña aparecerán integramente publicadas as bases da convocatoria para a provisión en propiedade, polo sistema de concurso-oposición, das prazas de axente de emprego e desenvolvemento local e de técnico/a de normalización lingüística, vacantes no cadro de persoal municipal.
Estas prazas teñen as seguintes características:
Nº de vacantes |
Denominación |
Categoría laboral |
1 |
Axente de emprego e desenvolvemento local |
Persoal laboral fixo |
1 |
Técnico/a de normalización lingüística |
Persoal laboral fixo |
O prazo de presentación de solicitudes será de vinte días naturais contados desde o día seguinte á publicación deste anuncio no Boletín Oficial del Estado.
Os sucesivos anuncios desta convocatoria, cando procedan de conformidade coas bases, publicaranse no Boletín Oficial da provincia e no taboleiro de anuncios do Concello de Rois. Así mesmo, quedará á disposición das persoas interesadas na sede electrónica deste concello www.concelloderois.org
Rois, 25 de xaneiro de 2019
Ramón Tojo Lens
Alcalde