Conforme o disposto no artigo 29 da Lei 5/2017, do 19 de outubro, de fomento da implantación de iniciativas empresariais en Galicia (DOG núm. 203, do 25 de outubro), faise público que, por espazo de 30 días hábiles contados a partir do seguinte ao da publicación deste anuncio no Diario Oficial de Galicia, estará á disposición do público a documentación presentada por Benteler Automotive Vigo, S.L.U. para solicitar a autorización ambiental integrada e o estudo de impacto ambiental para unha nova planta de fabricación de compoñentes metálicos para automoción en Mos, co fin de que calquera interesado poda consultalos e, de ser o caso, formular dentro do dito prazo as alegacións, suxestións ou observacións que considere convenientes. A documentación poderá consultarse:
– Na Dirección Xeral de Calidade Ambiental e Cambio Climático, Servizo de Prevención e Control Integrados da Contaminación (rúa de San Lázaro, s/n, 15781 Santiago de Compostela), en horario de atención ao público.
– Na páxina web da Consellería de Medio Ambiente, Territorio e Vivenda:
(https://cmatv.xunta.gal/>>medio ambiente e sostibilidade>>prevención e control de actividades>>autorización ambiental integrada>>proxectos en información pública).
As alegacións, suxestións ou observacións dirixiranse ao Servizo de Prevención e Control Integrados da Contaminación.
Santiago de Compostela, 7 de xaneiro de 2019
María Cruz Ferreira Costa
Directora xeral de Calidade Ambiental e Cambio Climático
ANEXO
Memoria resumo
Titular: Benteler Automotive Vigo, S.L.U.
NIF: B 50846807.
Domicilio social: Parque Tecnolóxico e Loxístico de Valadares, parcelas 13-14.
Localización da instalación: parque empresarial da Veigadiña, Mos.
Actividade: fabricación de compoñentes metálicos para automoción.
Epígrafe de actividade (autorización ambiental integrada): anexo I, 2.6.
Categoría de proxecto (avaliación ambiental): anexo I, grupo 4.f.
Descrición da actividade: fabricación de compoñentes metálicos a partir de pezas estampadas mediante procesos de soldadura, granallado, quecemento, corte láser e pintado por electrodeposición.
Verteduras:
– Augas pluviais de cubertas: conectaranse á rede de pluviais do polígono.
– Augas pluviais de zonas á intemperie: trataranse en separadores de hidrocarburos antes da súa conexión á rede de pluviais do polígono.
– Augas fecais: verteranse á rede xestionada polo Consorcio de Augas do Louro.
– Augas de proceso e de limpeza das instalacións: serán tratadas nunha estación depuradora de augas residuais industriais na propia planta antes da súa vertedura á rede xestionada polo Consorcio de Augas do Louro.