De conformidade co disposto no artigo 8 da Lei 19/2013, do 9 de decembro, de transparencia, acceso á información pública e bo goberno, dáse publicidade á seguinte encomenda coas seguintes características:
Resolución do 18 de decembro de 2018, da Axencia Galega de Infraestruturas, pola que se encarga ao medio propio Xestión do Solo de Galicia-Xestur, S.A. a realización de traballos técnicos.
– Actividade: os traballos que se realizarán baixo a cobertura da encomenda consistirán no apoio técnico á Axencia Galega de Infraestruturas no desenvolvemento daquelas tarefas en que a experiencia acumulada por Xestur na execución das obras permita complementar o traballo de persoal da mencionada Axencia.
– Natureza e alcance da xestión encomendada: encomenda de xestión a medios propios, ao ter a empresa Xestión do Solo de Galicia-Xestur, S.A. a consideración de medio propio e de servizo técnico da Administración xeral e do sector público autonómico de Galicia, ao abeiro do establecido nos artigos 10, 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: 12 meses contados a partir do 1 de xaneiro de 2019.
– Modalidade de financiamento: esta encomenda tramítase con cargo aos orzamentos da Axencia Galega de Infraestruturas para o ano 2019, aplicación orzamentaria 08.A1.512B.640.1.
– Orzamento: 55.927,35 €.
Santiago de Compostela, 28 de decembro de 2018
Francisco Menéndez Iglesias
Director da Axencia Galega de Infraestruturas