O Pleno do Concello de Poio, na sesión realizada o día 27 de novembro de 2018 adoptou, entre outros, o acordo núm. 4569 en que se acordou o seguinte:

Primeiro. Cambiar o uso da zona de servizos do equipamento institucional situado na rúa Igrexa, 18 de Raxó (Poio), con destino aos previstos no actual artigo 71 do Decreto 143/2016, do 22 de setembro, polo que se aproba o Regulamento da Lei do solo de Galicia, ou nos que en cada momento marque a normativa urbanística para tales equipamentos públicos, usos/servizos prestados sen ánimo de lucro, para o común dos/das veciños/as.

Segundo. Proceder á publicación do presente acordo no Diario Oficial de Galicia e no Boletín Oficial da provincia de Pontevedra.

Contra este acordo, que pon fin á vía administrativa, poderase interpoñer directamente recurso contencioso-administrativo perante o Xulgado do Contencioso-Administrativo de Pontevedra no prazo de dous meses, contados a partir do día seguinte ao de publicación deste anuncio, de conformidade co artigo 8.1 e 46 da Lei 29/1998, do 13 de xullo, da xurisdición contencioso-administrativa.

Poio, 12 de decembro de 2018

Luciano Sobral Fernández
Alcalde